Stand United kuingia kambini katika Mgodi wa Dhahabu Buswagi

Timu ya Acacia Stand United fc (CHAMA LA WANA) inayodhaminiwa na kampuni ya uchimbaji madini ya Dhahabu ya ACACIA,mara baada ya kupoteza mchezo wake wa ligi kuu ya Vodacom Tanzania Bara kwa kufungwa goli 2-1 na  Simba Sc,kesho jumatatu inataraji kuingia kambini katika Mgodi wa Dhahabu BUZWAGI kujiandaa na mchezo wake unaofuata dhidi ya Maafande wa jeshi la kujenga taifa JKT Ruvu.

Afisa habari wa klabu hiyo ISAAC EDWARD amesema kupoteza mchezo wao dhidi ya Simba Sc ni sehemu ya matokeo ya Mpira wa miguu, kwani hivi sasa ligi ni ngumu na kila timu inapambana ili kupata matokeo mazuri.

“tumepoteza mchezo wetu tukiwa nyumbani dhidi ya Simba ni sehemu ya mchezo,tunajipanga na mchezo unaofata nyumbani ambao tutacheza na Jkt Ruvu , timu inataraji kuingia kambini siku ya kesho jumatatu katika Hosteli za Mgodi wa Dhahabu BUZWAGI kujiandaa na mchezo wetu unaofata”

Ameongeza kuwa mchezo ujao timu hiyo ya Acacia Stand United imejipanga kuhakikisha inapata ushindi ili wazidi kujiweka sehemu nzuri kwenye msimamo wa ligi kuu  Tanzania Bara.

“Uongozi pamoja na Benchi la Ufundi tumejipanga vilivyo ili tupate pointi tatu ambazo zitazidi kutuweka katika nafasi za juu kwenye msimamo wa ligi ”

Isaac amewaomba mashabiki na wapenzi wa klabu hiyo kuunganisha nguvu kwa pamoja na kuisaidia timu kupata matokeo mazuri nyumbani na Ugenini.

“ mashabiki wetu na wapenzi wa Acacia Stand United (Chama la wana) waendelee kuipa timu ushirikiano katika michezo yetu yote iliyobaki katika mzunguko wa pili ambao ni wa lala salama ikiwa tunacheza nyumbani na hata ugenini pia ”.

Acacia Stand United Fc kwasasa  imejikusanyia pointi 29 katika michezo yake 18 walioshuka dimbani katika msimu huu wa ligi kuu ya Vodacom Tanzania Bara.

Wafanyakazi wa TBL wapima afya zao na kufanya mazoezi ya viungo

Mkurugenzi Mtendaji wa TBL Group, Roberto Jarrin.(Kulia) akimsikiliza mtaalamu wa mazoezi kutoka Kituo cha Fitness Centre, Payas Moremi (kushoto) jinsi ya kufanya mazoezi wakati wa Siku ya Afya kwanza  kwa wafanyakazi wa kampuni ya bia Tanzania, yaliyofanyika jijini Dar es Salaam mwishoni mwa wiki .katikati ni Afisa Mwandamizi wa TBL Oscar Shelukindo.

Mkurugenzi Mtendaji wa TBL GROUP Roberto Jarrin. Akishiriki mazoezi pamoja na wafanyakazi wenzake wakati wa  siku ya Afya kwanza yaliyofanyika kaitika viwanja vilivyopo eneo la kiwanda hicho  jijini Dar es Salaam,

Baadhi ya wafanyakazi wa Kampuni ya Bia Tanzania (TBL) wakiwekea alama za kupimwa afya zao  wakati wa maadhimisho ya  siku upimaji wa Afya , yaliyombatana na mazoezi  kwa wafanyakzi wote  wa kampuni hiyo yaliyofanyika  jijini Dar es Salaam.

Baadhi ya wafanyakazi wa Kampuni ya Bia Tanzania (TBL) wakiwekea alama za kupimwa afya zao  wakati wa maadhimisho ya  siku upimaji wa Afya , yaliyombatana na mazoezi  kwa wafanyakzi wote  wa kampuni hiyo yaliyofanyika  jijini Dar es Salaam.

Wafanyakazi wa kampuni ya bia Tanzania (TBL) wakishiriki katika mazoezi ya viungo wakati wa Maadhimisho ya siku ya Afya Kwanza yaliyofanyika jijini Dar es Salaam.