Kante amtaja Hazard kuchukua tuzo ya mchezaji bora wa mwaka

N’Golo Kante amesema kwamba mchezaji mwenzake Eden Hazard ndiye anayestahili kuwa mshindi wa Tuzo ya Mchezaji Bora wa Mwaka England.

Mchezaji huyo wa kimataifa raia wa Ubelgiji alifunga mabao yote wakati timu hiyo ilipoilaza Manchester City mabao 2-1 mchezo uliopigwa katikati ya wiki hii na kuwafanikisha kuongeza wigo wa pointi dhidi ya timu inayoifuatia na kufikia pointi saba.

Kante ni miongoni mwa wachezaji nyota ambao wamekuwa wakitajwa kunyakua tuzo hiyo msimu huu na amefanikiwa kujijenga tangu alipokuwa Leicester City alipoiwezesha kunyakua taji msimu uliopita. Hata hivyo amekuwa akisisitiza kwamba anayestahili tuzo hiyo ni kiungo wa Ufaransa, Hazard.

“Kwangu ni rahisi kumtaja mchezaji mwenzangu kutoka Chelsea. Wote tumekuwa tukimuona Hazard anachokifanya. Ni mchezaji wa tofauti sana,” alisema Cante alipokuwa akizungumza na mtandao wa Sky Sport.

Chelsea imekuwa katika mbio za ubingwa wa Ligi Kuu England kwa mara ya pili katika misimu mitatu. Nafasi yake kwa sasa ni kushinda michezo yote sita iliyobaki na mchezaji huyo alisema kwamba wasiwaze kuhusu nafasi ya pili inayoshikiliwa na Spurs.

“Bado tuna michezo nane na katika hiyo tunatakiwa kushinda mechi sita tu. Tottenham ni timu nzuri na wanacheza mechi hizi ili nao watwae ubingwa.”

 

“Kimahesabu tunahitajika kushinda mechi sita tu hivyo tunatakiwa kujielekeza kwenye mioango yetu ya ushindi tukishinda mechi sita taji la ubingwa tunalichukua mapema kabisa.”