Uwanja wa Ndege wa Kigoma kujengwa kwa Hadhi ya Kimataifa

Picha na OMR

Serikali imesema awamu ya pili ya Upanuzi wa Uwanja wa Ndege wa Kigoma itaanza rasmi Julai mwaka huu.

Waziri wa Ujenzi, Uchukuzi na Mawasiliano, Profesa Makame Mbarawa amesema zabuni kwa ajili Ya ujenzi zitatangazwa badae mwaka huu ili kuuwezesha Uwanja huo kuwa na hadhi ya kimataifa Na kuchochea fursa za utalii katika ukanda wa Magharibi na Mwambao wa Ziwa Tanganyika.

Zaidi ya Shilingi Bilioni 40 kutoka Benki ya Uwekezaji ya Ulaya (EIB), zinatarajiwa kutumika Hivyo kuwataka wananchi ambao eneo lao liko katika Uwanja huo kuondoka mara moja mara baada ya kulipwa fidia.

“Nia ya Serikali ni kuongeza njia ya kuruka na kutua ndege kutoka urefu wa mita 1800 sasa hadi Mita 3100 na hivyo kuruhusu ndege kubwa aina ya Boeing 737 kutua katika uwanja huo”, amesema Prof. Mbarawa.

Prof. Mbarawa amewataka wananchi wa Kigoma kutoa ushirikiano mkubwa kwa Mamlaka ya Viwanja vya Ndege na Mamlaka ya Usafiri wa Anga ili zoezi la ujenzi lifanikiwe kwa haraka na kuepuka vikwazo vinavyoweza kuchelewesha mradi huo.

Naye Mbunge wa Kigoma Mjini, Mhe. Zitto Kabwe amewataka wananchi wa Kigoma na wawekezaji kujipanga kutumia fursa ya uwanja huo kuwekeza ili kukuza sekta ya utalii na usafirishaji katika Mwambao wa Ziwa Tanganyika pindi uwanja huo utakapokamilika.

“Tuna bahati kupata Serikali inayowekeza katika mkoa wa Kigoma, nawaomba wana Kigoma Wenzangu tuepuke migogoro na kutumia fursa hii kuwekeza kikamilifu ili kukuza utalii katika Ukanda wa Magharibi na kuongeza mapato katika mkoa wa Kigoma”, amesisitiza Mhe. Zitto.

Amemhakikishia Profesa Mbarawa kuwa Uwanja wa Ndege wa Kigoma utafungua usafiri wa Anga kwa ukanda wa magharibi na nchi jirani na hivyo kuongeza idadi ya watalii na watumiaji wa usafiri wa anga katika mwambao wa Ziwa Tanganyika,  hifadhi za Taifa za Gombe na Mahale na mikoa ya kanda ya magharibi.

Kwa upande wake Meneja wa Mamlaka ya Usafiri wa Anga Mkoani Kigoma Bw. Godlove Longole ameiomba Serikali  kukamilisha Ujenzi wa uzio, Jengo la Abiria, Mnara wa kuongozea Ndege na huduma za zimamoto katika uwanja huo ili kuuwezesha kufanya kazi zake kwa viwango vinavyotakiwa.

Meneja wa Kiwanja cha Ndege cha Kigoma Bw. Mohamedi Issa amemhakikishia Waziri kwamba Atasimamia mchakato mzima wa mradi wa ujenzi kwa uadilifu, uaminifu ili thamani ya mradi huo iwiane na ubora wa kazi itakayofanywa na hivyo kuuwezesha uwanja huo kufikia kiwango cha Code 4C kinachowezesha ndege zenye ukubwa wa Boeing 737 kutua katika uwanja huo.

Imetolewa na kitengo cha Mawasiliano Serikalini, Wizara ya Ujenzi, Uchukuzi na Mawasiliano.

PROF. Mbarawa Akagua  Kivuko  Cha  MV. Malagarasi, TTCL, POSTA Na Kiwanja Cha  Ndege  Mkoani Kigoma.

Muonekano wa kivuko cha MV. Malagarasi kilichopo katika eneo la Ilagala mkoani Kigoma. Kivuko hicho kina uwezo wa kubeba abiria 100, magari sita na tani 50 kwa wakati mmoja.

Waziri wa Ujenzi, Uchukuzi na Mawasiliano Profesa Makame Mbarawa (wa tatu kushoto), akipata maelezo Ya kivuko cha MV. Malagarasi kutoka kwa Msimamizi wa Kivuko hicho kabla ya kukikagua. Kulia ni Meneja wa Wakala wa Barabara nchini (TANROADS), mkoani kigoma Eng. Narcis Choma na Wa pili kushoto ni Mbunge wa Kigoma Mjini Mhe. Zitto Kabwe.

Waziri wa Ujenzi, Uchukuzi na Mawasiliano Profesa Makame Mbarawa akishuka katika Kivuko cha MV. Malagarasi mara baada ya kukikagua na kuona namna ya kivuko hicho kinavyofanya kazi.

Waziri wa Ujenzi, Uchukuzi na Mawasiliano Profesa Makame Mbarawa (wa pili kulia), akioneshwa vifaa vya uokoaji katika kivuko cha MV. Malagarasi.

Waziri wa Ujenzi, Uchukuzi na Mawasiliano Profesa Makame Mbarawa (kushoto) akijadiliana jambo na Mmoja wa abiria wa Kivuko cha MV. Malagarasi.

Meneja Wa Wakala wa Barabara nchini (TANROADS, mkoani kigoma Eng. Narcis Choma (wa tatu kushoto) akimuonesha Waziri wa Ujenzi, Uchukuzi na Mawasiliano Profesa Makame Mbarawa (wa tatu kulia), barabara ya Simbo-Kalya yenye urefu wa zaidi ya Km 200 Kusini mwa Ziwa Tanganyika itakayoanza kujengwa hivi karibuni wilayani Uvinza mkoani Kigoma.

Uteuzi Wa  Bodi  Ya Chuo  Cha  Usimamizi Wa Wanyamapori

JAMHURI YA MUUNGANO WA TANZANIA

WIZARA YA MALIASILI NA UTALII

TAARIFA KWA UMMA

Mhe. Rais wa Jamhuri ya Muungano wa Tanzania amefanya uteuzi wa Wenyeviti wa Bodi ya Wakurugenzi ya Chuo cha Usimamizi wa Wanyamapori – Mweka na Bodi ya Wakurugenzi ya Taasisi ya Utafiti wa Wanyamapori Tanzania (TAWIRI)

Katika uteuzi huo, Mhe. Rais wa Jamhuri ya Muungano wa Tanzania amemteua Profesa Faustin K. Bee kuwa Mwenyekiti wa Bodi ya Chuo cha Usimamizi wa Wanyamapori MWEKA. na Profesa Apolinaria E. Pereka kuwa Mwenyekiti wa Bodi ya Wakurugenzi ya Taasisi ya Utafiti wa Wanyamapori Tanzania (TAWIRI).

Uteuzi huo ni kwa kipindi cha miaka mitatu kuanzia tarehe 14/3/2016.

Kufuatia uteuzi huo uliofanywa na Mhe. Rais, Waziri wa Maliasili na Utalii kwa mamlaka aliyonayo chini ya Sheria ya Chuo cha Usimamizi wa Wanyamapori Sura ya 209 kifungu cha 4(3) kikisomwa pamoja na Jedwali aya ya 2(1b) amewateua wafuatao kuwa Wajumbe wa Bodi ya Chuo cha Usimamizi wa Wanyamapori MWEKA kwa kipindi cha miaka 3 kuanzia tarehe 14/3/2016.

Wajumbe walioteuliwa  ni;

1. Samwel Maganga, Professor of Wildlife Management  Sokoine University of Agriculture, Morogoro.
2. Amani Ngusaru, Country Director, Tanzania World Wildlife Fund for Nature (WWF), Dar es Salaam.
3. Andrew Gguga Seguya, Executive Director/CEO of Uganda Wildlife Authority, Kampala.
4. Jafari Kidegesho, Department of Wildlife University of Agriculture Morogoro.
5. Zuher H. Fazal, Vice Chairman Tanzania Tourism Organization, TATO, Arusha.
6. Alexander N. Songorwa, Mkuu wa Chuo cha Mweka, Moshi
7. Simon Mduma, Mkurugenzi Mkuu wa Taasisi ya Utafiti wa Wanyamapori  Tanzania  – TAWIRI, Arusha,
8. Hassan Mshinda, Director General COSTECH, Dar es Salaam.
9. Fred Manongi, Mhifadhi Mkuu Mamlaka ya Hifadhi ya Ngorongoro.      – NCAA,
10. Allan Kijazi, Mkurugenzi Mkuu wa Mamlaka ya Hifadhi Tanzania -TANAPA, Arusha.
11.   Herman W. Keraryo, Mkurugenzi wa Idara ya Wanyamapori Wizara ya Maliasili na Utalii.

Aidha kwa mamlaka aliyonayo chini ya Sheria ya Taasisi ya Utafiti wa Wanyamapori Tanzania TAWIRI Sura ya 260 kifungu cha 6(2) kikisomwa pamoja na Jedwali la 2 aya ya 1(c), Mhe. Waziri wa Maliasili na Utalii amewateua wafuatao kuwa Wajumbe wa Bodi ya Wakurugenzi wa taasisi ya Utafiti wa Wanyamapori Tanzania TAWIRI kwa kipindi cha miaka 3 kuanzia tarehe 14/3/2016:

Wajumbe wa walioteuliwa  ni;

1. Ndelilio A. Urio, Profesa wa Sayansi ya Wanyama na Uzalishaji Chuo cha Kilimo Sokoine, Morogoro.
2. Martin Loibooki, Kaimu Mkurugenzi Mkuu, Mamlaka ya Usimamizi wa Wanyamapori Tanzania TAWA.
3. Allan Kijazi, Mkurugenzi Mkuu, Hifadhi za Taifa TANAPA, Arusha.
4. Freddy Manongi, Mhifadhi Mkuu, Mamlaka ya Hifadhi ya. Ngorongoro – NCAA
5. Simon Mduma, Mkurugenzi Mkuu, Taasisi ya Utafiti wa Wanyamapori Tanzania TAWIRI, Arusha.
6. Theresia Nkya, Principal Medical Research Scientist NIMRI, Tanga.
7. Revocatus Kurwijila, Professor of Food Science, Chuo cha Kilimo Sokoine Morogoro.
8. Hassan Mshinda, Mkurugenzi Mkuu, COSTECH, Dar es Salaam.
9. Masound H. Mruke, Profesa, Idara ya Entomolojia na Nyuki, Chuo Kikuu cha Dar es Salaam.
10. Geophrey Kirenga, Katibu Mtendaji, Southern Agricultural Growth Corridor of Tanzania SAGCOT, Dar es Salaam.

            IMETOLEWA NA:

Maj. Gen. Gaudence S. Milanzi

KATIBU MKUU

WIZARA YA MALIASILI NA UTALII