IPTL Yakanusha Tuhuma za Rushwa na Taarifa za Uongo Zilizochapishwa na Gazeti la MwanaHALISI

Kaimu Mwenyekiti Mtendaji wa kampuni ya kufua umeme ya Independent Power Tanzania Limited  (IPTL) na Pan African Power Solutions (T) Limited Bwn. Joseph O. R. Makandege (katikati), akifafanua jambo mbele ya waandishi wa habari (hawapo pichani) kuhusu taarifa ya upotoshaji iliyochapishwa na gazeti la MwanaHALISI ikihusisha IPTL kutoa rushwa kwa viongozi waandamizi wa ikulu na watendaji waandamizi wengine serikalini. Kulia ni Mkurugenzi wa uendeshaji wa IPTL Bwn. Parthiban Chandrasakaran na kushoto ni msaidizi wa mwenyekiti mtendaji Bwn. Rajiv Bhesania. Picha na mpiga picha wetu.

Makampuni ya kufua umeme ya Independent Power Tanzania Limited (IPTL) na Pan Africa Power Solutions (T) Limited (PAP), tumesononeshwa sana na taarifa iliyochapishwa na gazeti la kila wiki la MwanaHALISI katika toleo namba 332 la tarehe 28 Machi 2016 lenye kichwa cha habari, “Siri za Kikwete, IPTL zafichuka ”; iliyoambatana na nukuu katika ukurasa wake wa mbele inayosomeka “…hadi ndani ya jumba jeupe (Ikulu kwenyewe), Singasinga alitembeza mlungula.

Taarifa hiyo iliyojaa uongo pamoja na kashfa nzito ya rushwa kwa IPTL/PAP na kwa viongozi waandamizi wa serikali ya awamu ya nne na wengine ambao bado wamo katika serikali hii ya awamu ya tano, imediriki kudai kwa kunukuu maneno yafuatayo,….. “Sethi alitoa rushwa kila mahali, ikiwamo Ikulu, ili kufanikisha mpango wake huo….Alihonga kila mtu. Alitoa rushwa kwa kila aliyeona faili la Escrow. Hadi maofisa wa Ikulu na viongozi waandamizi kutoka wizara ya fedha……..hadi ndani ya jumba jeupe (Ikulu kwenyewe), Singasinga alitembeza mlungula. Ni BoT pekee, ambako hakuhonga au kuombwa rushwa.”

Tungependa kukanusha taarifa hizi za shutuma ya rushwa ambazo ni za uongo na uzushi mtupu wenye lengo la kuichafua IPTL na wamiliki wake akiwemo Mwenyekiti Mtendaji, Bw. Harbinder Singh Sethi. Taarifa hizi zisizo na chembe ya ukweli ndani yake zinalenga kuchafua sifa ya Ikulu ambayo ni taasisi nyeti hapa nchini kwa kuihusisha na upokeaji rushwa ambayo ni kosa la jinai kwa mujibu wa katiba na sheria za nchi yetu.

Isitoshe taarifa hizi zimejaa habari za uongo zilizobuniwa kwa nia na madhumuni maovu ya kuichafua sifa za kampuni za IPTL/PAP na mwenyekiti wake Bw. Harbinder Singh Sethi pamoja na kuwachonganisha dhidi ya wananchi wa Tanzania kwa kuwahadaa na kuwaaminisha Watanzania kuwa IPTL/PAP inaendeshwa kwa misingi ya rushwa na udanganyifu, hivyo basi haistahili kufanya biashara hapa nchini.

Awali ya yote, tungependa kuutarifu umma wa Watanzania kwamba tuhuma za rushwa ni tuhuma nzito na wala siyo za kunyamaziwa kabisa. Rushwa ni moja kati ya makosa makubwa ya kijinai ambayo vyombo vya dola vinatilia maanani sana. Hivyo basi, kampuni ya IPTL/PAP haiwezi kukaa kimya wakati tuhuma kama hizi zikiendelea kuchapishwa dhidi yake, huku ikiwahusisha viongozi waandamizi wa serikali, bila ya gazeti husika pamoja na mwandishi wa taarifa hizo kutoa udhibitisho wowote wa tuhuma hizo.

IPTL/PAP tunaamini kwamba taratibu zote za kukabidhiwa kampuni ya IPTL (ikiwemo mali na madeni halali) zilifuatwa. Tunaamini katika utawala wa sheria ambayo inazingatia haki za kila mtu. Hivyo basi, haitakuwa busara kuendelea kunyamazia vitendo vya kiovu vya kuichafua kampuni yetu vinavyofanywa na baadhi ya vyombo vya habari kwa kisingizio cha “uhuru wa kutoa maoni” au “uhuru wa vyombo vya habari”. Kama vyombo vya habari walivyo na uhuru wao, vivyo hivyo IPTL/PAP kama kampuni ina uhuru wa kufanya shughuli zake kwa mujibu wa sheria za nchi bila ya kubughudhiwa. Kwa kutuhumu IPTL/PAP au viongozi wake kutoa rushwa, bila kuthibitisha, ni kuihujumu kampuni ili isiweze kutekeleza majukumu yake ya kuchangia ukuwaji wa uchumi wa nchi yetu.

Joseph O. R. Makandege (ADVOCATE)
(Katibu na Mshauri Mkuu wa Sheria)
KAIMU MWENYEKITI MTENDAJI
Independent Power Tanzania Limited / Pan African Power Solutions (T) Limited.

CCM Yajizatiti Kuwapatia Bima Ya Afya Watumishi Wake.

Naibu Katibu Mkuu wa CCM, Rajabu Luhwavi akizungumza na viongozi na watumishi wa CCM katika kikao chake maalum cha kuzungumza na wafanyakazi wa mkoa wa Njombe kilichofanyika mjini Njombe. Kushoto ni Katibu wa CCM mkoawa Ruvuma Verena Shumbusho na kulia ni Katibu wa CCM mkoa wa Njombe Osea Mbagike.

Na Kalonga Kasati

Chama Cha Mapinduzi (CCM) kimesema, kina mpango wa kuhakikisha kila mtumishi wake Anapatiwa huduma ya Bima ya Afya ikiwa ni moja ya hatua ya kuboresha maisha ya watumishi hao.

Kimesema kupitia mpango huo, kila mtumishi hadi wa ngazi za chini ataweza kupata matibabu yeye na familia yake nchini kote.

Ahadi hiyo ilitokewa jana na Naibu Katibu Mkuu wa  CCM (Bara), Bara, Rajab Luhwavi Alipokuwa akizungumza na watumishi wa Chama na Jumuiya zake mkoani Njombe akiwa katika Ziara ya kikazi ikiwa ni pamoja na kusikiliza kero na changamoto zinazowakabili watumishi wa Chama.

Luhwavi alisema kwa sasa Chama kimo katika jitihada za kutafuta fedha kwa ajili ya kuwapatia Huduma hiyo ya bima ya afya  watumishi wake ili wapate huduma ya matibabu kwa urahisi badala ya kutaabika kupata matibabu waanapougua jambo ambalo  linawapunguzia ufanisi katika kazi.

Alisema, kwa sasa watumishi wengi wa Chama hawawezi kuingizwa katika mpango huo wa bima ya afya kutokana na vima vya mishahara yao kutokidhi viwango vinavyotakiwa ili kusajiliwa na Taasisi zinazotoa huduma hiyo ya bima ya afya hivyo  chama kikishapata fedha kitajazia mishara ya watumishi wenye vima vidogo ili kila mmoja aweze kuwa na sifa za kusajiliwa.

Naibu Katibu Mkuu huyo, aliongeza kwamba mpango huo utaanza kwa watumishi wa CCM na Baadaye itakwenda hadi kwa watumishi wa Jumuiya za chama ili nao wanufaike na utaratibu huo wa bima ya afya.

“Nduguzangu siyo kwamba changamoto zote hatuna uwezo wa kuzitatu, kwa kweli baadhi ya Changamoto tuna uwezo wa kuzitatua isipokuwa kinachotakiwa ni namna ya kujipanga tu, hivyo nina uhakika jambo hili litawezekana”, alisema Luhwavi.

Katika hatua nyingine Chama cha Mapinduzi kimesema ili kuhakikisha mpango wake wa kuendana na mabadiliko ya sasa unafanikiwa haraka, kinasimamia viongozi wake kwa karibu zaidi ili kuhakikisha kila mmoja anawajibika ipasavyo katika kuwahudumia watumishi walio chini yake hasa wa ngazi za chini.

Akitoa kauli hiyo wakati akizungumza na watumishi wa Chama mkoani Njombe,  Luhwavi alisema, alisema ni lazima chama kiwasimamie viongozi wake kwa makini kwa sababu viongozi kutohudumia kwa haraka na kwa uadilifu mkubwa wafanyakazi ni miongoni mwa vikwanzo Vinavyoweza kukwamisha utekelezaji wa haraka lengo hilo la Chama kwendana na mabadiliko ya sasa.

“Tunajua  wapo baadhi ya viongozi wa Chama chetu ambao bado wanafanyakazi zao kwa mtindo Wa kimangimeza ikiwa ni pamoja na kutotoa ushirikiano watumishi walio chini yao wanapohitaji Ufumbuzi wa matatizo au changamoto zinazokuwa zinawakabili kwa namna mbalimbali”, alisema Luhwavi.

Alisema, imefika wakati sasa viongozi wa Chama kuacha tabia ya baadhi yao kufanya kazi kwa Mazoea badala yake wajikite katika kushirikiana na wananchi kwa karibu katika kufanyakazi za kijamii kama ujenzi wa madarasa, nyumba za walimu, zahanati na miraji ya maji.

Makamu Wa Rais Afunga  Maadhimisho Miaka 50 Ya Sayansi  Chuo Kikuu UDSM

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akihutubia Viongozi na wanafunzi wa Chuo Kikuu cha Dar es salaam wakati wa ufungaji wa maadhimisho ya sherehe za miaka 50 ya kitivo cha Sayansi cha Chuo Kikuu cha Dar es salaam yaliyoadhimishwa leo April 01,2016 Chuo kikuu Mlimani.

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akimkabidhi zawadi maalum Atibele Biyamungu mshindi wa kwanza kwenye Shindano la kuandika ESE katika maadhimisho ya sherehe za miaka 50 ya kitivo cha Sayansi cha Chuo Kikuu cha Dar es salaam yaliyoadhimishwa leo April 01,2016 Chuo kikuu Mlimani.

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akimkabidhi cheti Lulu Kaaya mmoja kati ya washiriki wa mashindano ya aina mbalimbali ya maadhimisho ya sherehe za miaka 50 ya kitivo cha Sayansi cha Chuo Kikuu cha Dar es salaam yaliyoadhimishwa leo April 01,2016 Chuo kikuu Mlimani.

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akipata maelezo juu ya utendenezajia wa sabuni na bidhaa za aina mbalimbali alipotembelea maonesho ya maadhimisho ya sherehe za miaka 50 ya kitivo cha Sayansi cha Chuo Kikuu cha Dar es salaam yaliyoadhimishwa leo April 01,2016 Chuo kikuu Mlimani.

Makamu wa Rais wa Jamhuri ya Muungano wa Tanzania Mhe. Samia Suluhu Hassan, akipata maelezo juu Ya utendenezajia wa sabuni na bidhaa za aina mbalimbali alipotembelea maonesho ya maadhimisho ya sherehe za miaka 50 ya kitivo cha Sayansi cha Chuo Kikuu cha Dar es salaam yaliyoadhimishwa leo April 01,2016 Chuo kikuu Mlimani.

Makamu wa Rais wa Jamhuri ya Muungano wa Tanzania Mhe. Samia Suluhu Hassan, katikati akiwa katika Picha ya pamoja na Viongozi na wanafunzi wa Chuo Kikuu cha Dar es salaa  wakati wa ufungaji wa Maadhimisho ya sherehe za miaka 50 ya kitivo cha Sayansi cha Chuo Kikuu cha Dar es salaam yaliyoadhimishwa leo April 01,2016 Chuo kikuu Mlimani.

Picha na OMR