Taasisi za Serikali Waruhusuni Maafisa Habari kushiriki katika Vikao vya Maamuzi- Nnauye

Waziri wa Habari, Utamaduni, Sanaa na Michezo Mhe. Nape Nnauye akisalimia wananchi wa Mkoa wa Katavi alipowasili katika mkoa huo jana kukutana na wadau wa sekta Anazozisimamia pamoja na kutoa vitendea kazi kwa maafisa habari wa mkoa wa Katavi na kutembelea mitambo ya kurushia matangazo ya TBC. Kushoto ni Mkuu wa wilaya ya Mpanda Mhe. Paza Mwamlima.

Waziri wa Habari, Utamaduni, Sanaa na Michezo Mhe. Nape Nnauye akizungumza na watendaji wa Mkoa wa Katavi alipowasili katika ofisi za mkoa huo na badae kukutana na wadau wa sekta anazozisimamia pamoja na kutoa vitendea kazi kwa maafisa habari wa mkoa wa Katavi na kutembelea mitambo ya kurushia matangazo ya TBC.

Wadau wa sekta za Habari, Utamaduni, Sanaa na Michezo Mkoa wa Katavi wakimsikiliza Waziri mwenye dhamana na sekta hizo Mhe. Nape Nnauye (hayupo pichani) alipofanya kikao Nao jana mkoani hapo na kuahidi kutatua baadhi ya kero zinazowakabili.

Waziri wa Habari, Utamaduni, Sanaa na Michezo Mhe. Nape Nnauye akikagua iPad kabla ya kumkabidhi Mkuu wa wilaya ya Mpanda Mhe. Paza Mwamlima iPad nne kwa ajili ya maafisa habari waliopo katika Mkoa wa Katavi na Wilaya zake jana mkoani Katavi.

Mkuu wa wilaya ya Mpanda Mhe. Paza Mwamlima akifurahi na kumpa mkono Waziri wa Habari, Utamaduni, Sanaa na Michezo baada ya kupokea iPad nne kwa ajili ya maafisa habari waliopo katika Mkoa wa Katavi na Wilaya zake jana mkoani Katavi.

Picha na: Genofeva Matemu – Maelezo, Katavi

Na: Mwamvita Mtanda

Taasisi za serikali zimetakiwa kuwashirikisha maafisa habari waliopo katika taasisi zao katika vikao vya maamuzi ili waweze kua na taarifa na kufahamu maamuzi ya michakato inayoendelea hivyo kupata nguvu na uelewa mzuri wa kwenda kueleza umma pale wanapotakiwa kutolea ufafanuzi.

Kauli hiyo imetolewa na Waziri wa Habari, Utamaduni, Sanaa na Michezo Mhe. Nape Nnauye wakati wa ziara yake jana katika Mkoa wa Katavi kukutana na wadau wa sekta anazozisimamia pamoja na kutoa vitendea kazi kwa maafisa habari wa Mkoa huo na kutembelea mitambo ya kurushia matangazo ya TBC.

Mhe. Nnauye amesema kuwa maafisa habari katika taasisi za serikali wamekuwa wakinyimwa nguvu ya kushiriki katika vikao vya taasisi hivyo kushindwa kutolea maamuzi masuala mbalimbali pale wanapohitajika katika vyombo vya habari.

Aidha Mhe. Nnauye amewataka waandishi wa habari kufanya kazi kwa kufuata sheria kanuni na taratibu kwani serikali inawajali na kuwathamini kwa kazi nzuri wanayoifanya ya kuelimisha jamii.

“Mswada wa sheria ya huduma wa vyombo vya habari umelinda maslahi ya waandishi wa habari na Sheria hii imebana vigezo ambapo kama itapita itasaidia kupambana na utitiri wa vyuo visivyokuwa na sifa pamoja na changamoto zingine zinazoikabili sekta hii” amesema Mhe. Nnauye.

Aidha Mhe. Nnauye amewaomba watu wa TCRA kusimamia vizuri maudhui ya Radio na Television kwa  kuwa wakali na kuacha kucheka na watu ambao wanaweza kutumia vibaya  mabadiliko ya sayansi na teknolojia kuwaga jamii yetu kidini, kikabila, kikanda na rangi kwa kufanya matangazo ya kuligawa taifa letu.

Naye mwandishi wa habari kutoka Clous FM Bw. Ezron Mahanga ameiomba serikali kuendelea kupambana kulinda maslahi ya waandishi wa habari kwa kuwasimamia kwa karibu ili wamiliki wa vyombo vya habari waache kuwatumia kwa maslahi yao binasfi bila kujali utu wa waandishi wa habari wanaofanya kazi katika mazingira magumu.

TAMKO LA WIZARA YA AFYA, MAENDELEO YA JAMII, JINSIA, WAZEE NA WATOTO KULAANI KUBAKWA NA KULAWITIWA KWA MTOTO KATIKA MANISPAA YA MIKINDANI, MKOANI MTWARA

Wizara ya Afya, Maendeleo ya Jamii, Jinsia, Wazee na Watoto imesikitishwa na kukemea vikali tukio la mzazi kumbaka na kumlawiti mtoto wake wa kufikia mwenye umri wa mwaka mmoja na nusu, kitendo kilichofanywa na John Donald (35) mkazi wa Kiyangu, Manispaa ya Mikindani mkoani Mtwara. 

Tukio hili la kubaka na kulawitiwa ni ukatili wa hali ya juu dhidi ya mtoto maana husababisha maumivu makali ikiwa ni pamoja na kumdhuru mtoto kimwili, kisaikolojia, kijamii na kihisia. Aidha, vitendo hivi, vinaacha kovu la kudumu kimwilini, kiakili, kimaadili, kijamii, ulemavu, maumivu, na wakati mwingine husababisha kifo; jambo ambalo linahitaji ulinzi thabiti katika kuhakikisha watoto wanaishi mazingira salama na rafiki.  

Ukatili alilofanyiwa mtoto eneo la Kinyangu, manispaa ya Mikindani, ni ukiukwaji mkubwa wa haki za mtoto ambao huchangia kurudisha nyuma ustawi na maendeleo ya Mtoto na ni kinyume cha Sheria ya Mtoto Na. 21 ya mwaka 2009.

Wizara inatoa pongezi kwa Jeshi la Polisi mkoani Mtwara kwa kumkamata mtuhumiwa na kumfikisha mahakamani ili hatua za kisheria zichukuliwe. Vile vile, Wizara inaipongeza Mahakama ya Wilaya ya Ilala, mkoani Dar es salaam dhidi ya  Omary hamisi (25), mkazi wa Gongo la Mboto, Dar es salaam, ya kutumikia kifungo cha maisha jela, baada ya kupatikana na hatia ya kumlawiti mtoto wa miaka tisa mwenye ulemavu wa kusikia na kuongea. Uamuzi huu ni kielelezo kuwa, wananchi wakitoa ushahidi wa matukio ya ukatili dhidi ya watoto, watuhumiwa watachukuliwa hatua kali ili kuwa fundisho kwa wananchi wanaowanyanysa watoto.

Wizara inamwelekeza Afisa Ustawi wa Jamii na Afisa Maendeleo ya Jamii wa Mkoa wa Mtwara kuwasiliana na wadau wengine katika ngazi zote kuhakikisha mama na mtoto wanapata huduma ya afya na  ushauri na kufuatilia mwenendo wa shauri hili.  

Imetolewa na

Erasto Ching’oro

Msemaji wa Wizara

                                                            Maendeleo ya Jamii, Jinsia, Wazee na Watoto

Serikali yahaidi kuboresha usikivu wa shirika la utangazaji la taifa Mikoa ya pembezoni

: Mkuu wa Mkoa wa Rukwa Mhe. Zelote Stephen (kulia) pamoja na Mkuu wa Wilaya ya Sumbawanga Mhe. Mathew Sedoyeka (kushoto) wakiteta jambo na Waziri wa Habari, Utamaduni, Sanaa na Michezo Mhe. Nape Nnauye baada ya kuwasili katika Mkoa wa Rukwa jana kuzungumza na wadau wa sekta anazosimamia.

Waziri wa Habari, Utamaduni, Sanaa na Michezo Mhe. Nape Nnauye akizungumza na viongozi wa CCM Mkoa wa Rukwa jana wakati wa ziara yake mkoani humo kukutana na wadau wa sekta anazozisimamia. Kushoto kwa Waziri ni Mwenyekiti wa CCM Rukwa Bw. Hypolitus Matete

Mkuu wa Mkoa wa Rukwa Mhe. Zelote Stephen (kushoto) akuzungumza na Waziri wa Habari, Utamaduni, Sanaa na Michezo Mhe. Nape Nnauye alipofika ofisini kwake wakati wa ziara ya kukutana na wadau wa sekta ya Habari, Utamaduni, Sanaa na Michezo pamoja na kutoa vitendea kazi kwa maafisa mawasiliano jana Mkoani Rukwa.

Waziri wa Habari, Utamaduni, Sanaa na Michezo Mhe. Nape Moses Nnauye akizugumza na watendaji kutoka Mkoa wa Rukwa pamoja na wadau wa kada za Habari, Utamaduni, Sanaa na Michezo alipokutana nao jana Mkoani hapo kujadili mambo mbalimbali katika sekta hizo pamoja na kutoa vitendea kazi kwa maafisa mawasiliano.

Baadhi ya watendaji kutoka Mkoa wa Rukwa pamoja na wadau wa kada za Habari, Utamaduni, Sanaa na Michezo wakimsikiliza kwa makini Waziri wa Habari, Utamaduni, Sanaa na Michezo Mhe. Nape Moses Nnauye (hayupo pichani) alipofanya ziara yake jana Mkoani Rukwa  kujadili mambo mbalimbali pamoja na kukagua ofisi za TBC na kutoa vitendea kazi kwa Maafisa Mawasiliano wa Mkoa wa Rukwa.

Waziri wa Habari, Utamaduni, Sanaa na Michezo Mhe. Nape Moses Nnauye akiikagua iPad kabla ya kumkabidhi Mkuu wa Mkoa wa Rukwa Mhe. Zelote Stephen (kushoto) kwa ajili ya kuboresha utendaji kazi kwa maafisa mawasiliano waliopo Mkoani hapo. Mhe. Nnauye alikabidhi iPad tatu kwa Mkoa wa Rukwa jana baada ya kufanya ziara fupi na kuonana na wadau wa sekta anazozisimamia

Mkuu wa Wilaya ya Nkasi Mhe. Iddi Kimanta akitoa taarifa fupi kuhusu sekta za Habari, Utamaduni, Sanaa na Michezo  kwa Waziri wa sekta hizo Mhe. Nape Moses Nnauye alipofanya ziara Wilayani hapo jana Mkoani Rukwa.

Waziri wa Habari, Utamaduni, Sanaa na Michezo Mhe. Nape Moses Nnauye akizungumza moja kwa moja kupitia radio ya Wilaya NKasi FM alipofanya ziara katika radio hiyo kuona mafanikio yaliyoletwa na Wilaya ya Nkasi kwa kuwa na radio ya Wilaya.

Picha na: Genofeva Matemu- Maelezo, Rukwa

Kamati Ya Bunge Yatembelewa Wizara Ya Mambo Ya Ndani Ya Nchi

Naibu Waziri wa Mambo ya Ndani ya Nchi, Mhandisi Hamad Masauni (kulia), akisalimiana na Mjumbe wa Kamati ya Kudumu ya Bunge ya Mambo ya Nje, Ulinzi na Usalama, Mhe. Kangi Lugola, wakati Kamati hiyo ilipotembelea Makao Makuu ya Wizara ya Mambo ya Ndani ya Nchi. Kushoto ni mjumbe mwingine wa kamati hiyo, Juliana Shonza.

Mwenyekiti wa Kamati ya Kudumu ya Bunge ya Mambo ya Nje, Ulinzi na Usalama, Balozi Adadi Rajabu, akiongoza kikao wakati  Kamati hiyo ilipokutana na Viongozi na Watendaji wa Wizara ya Mambo ya Ndani ya Nchi. Kulia ni Katibu Mkuu wa Wizara hiyo Meja Jenerali Projest Rwegasira.

Wajumbe wa Kamati ya Kudumu ya Bunge ya Mambo ya Nje, Ulinzi na Usalama na Viongozi Na Watendaji Wakuu wa Wizara ya Mambo ya Ndani ya Nchi, wakiwa katika mkutano Uliofanyika katika ukumbi wa mikutano wa Wizara ya Mambo ya Ndani ya Nchi jijini Dar es Salaam wakati Kamati hiyo ilipotembelea Makao Makuu ya Wizara hiyo. Katikati meza kuu ni Mwenyekiti wa Kamati hiyo Balozi Adadi Rajabu na kulia ni Katibu Mkuu wa Wizara hiyo, Meja Jenerali Projest Rwegasira.

Wajumbe wa Kamati ya Kudumu ya Bunge ya Mambo ya Nje, Ulinzi na Usalama, Wakiongozwa na Mwenyekiti wa kamati hiyo, Balozi Adadi Rajabu (wa tatu kulia), wakikagua Mojawapo ya samani za ofisi ya Naibu Katibu Mkuu wa Wizara ya Mambo ya Ndani ya Nchi, Balozi Simba Yahya, ambazo zimetengenezwa na Jeshi la Magereza, wakati  Kamati hiyo ilipotembelea Makao Makuu ya Wizara ya Mambo ya Ndani ya Nchi.

Kaimu Mkurugenzi Mkuu wa Mamlaka ya Vitambulisho vya Taifa (NIDA), Dk. Modestus Kipilimba, akizungumza wakati Kamati ya Kudumu ya Bunge ya Mambo ya Nje, Ulinzi na Usalama, ilipotembelea Makao Makuu ya Mamlaka hiyo, jijini Dar es Salaam kuona shughuli Mbalimbali zinazofanywa na Mamlaka hiyo. Wa kwanza kutoka kushoto (waliokaa) ni Katibu Mkuu wa Wizara ya Mambo ya Ndani ya Nchi, Meja Jenerali Projest Rwegasira na wa tatu ni Mwenyekiti wa Kamati hiyo, Balozi Adadi Rajabu.

Kaimu Mkurugenzi wa Idara ya Uzalishaji Vitambulisho wa  Mamlaka ya Vitambulisho vya Taifa (NIDA), Alphonce Malibiche, akielekeza jinsi ya kutambua taarifa sahihi za mwombaji wa kitambulisho cha Taifa kwa wajumbe wa Kamati ya Kudumu ya Bunge ya Mambo ya Nje, Ulinzi na Usalama (hawapo pichani), wakati Kamati hiyo ilipotembelea Mamlaka hiyo, jijini Dar es Salaam.

Katibu Mkuu wa Wizara ya Mambo ya Ndani ya Nchi, Meja Jenerali Projest Rwegasira (katikati), akizungumza na Mwenyekiti wa Kamati ya Kudumu ya Bunge ya Mambo ya Nje, Ulinzi na Usalama, Balozi Adadi Rajabu (kushoto) mara baada ya Kamati hiyo kumaliza ziara yake katika  Makao Makuu ya Wizara hiyo na Mamlaka ya Vitambulisho vya Taifa (Nida). Kulia ni Naibu Katibu Mkuu wa Wizara hiyo, Balozi Simba Yahya.

Katibu Mkuu wa Wizara ya Mambo ya Ndani ya Nchi, Meja Jenerali Projest Rwegasira, Akiagana na Mwenyekiti wa Kamati ya Kudumu ya Bunge ya Mambo ya Nje, Ulinzi na Usalama, Balozi Adadi Rajabu (kushoto), mara baada ya Kamati hiyo kumaliza ziara yake Makao Makuu ya Wizara ya Mambo ya Ndani ya Nchi na Mamlaka ya Vitambulisho vya Taifa (NIDA). Kulia ni Naibu Katibu Mkuu wa Wizara hiyo, Balozi Simba Yahya.