Kamishna Mstaafu wa TRA Kitllya na Waliokuwa Wafanyakazi wa Stanbic Bank Wamerudishwa Rumande mpaka 27 Mwezi huu

 

 

 Na Mwamvita Mtanda

Kamishna Mkuu Mstaafu wa Mamlaka ya Mapato Tanzania (TRA), Harry Kitilya Sambamba Na Waliokuwa Wafanyakazi wa Benki ya StanBic Tanzania,  Na , Wakiwa kwenye Mahakama Ya Hakimu Mkazi Kisutu, Jijini Dar es Salaam 

Sheria ni Msumeno hukata huku na huku, kauli hii iliyosema na wahenga imewakumba baadhi Ya vigogo akiwemo aliyekuwa Kamishna wa Mamlaka ya Mapato Tanzania (TRA) Harry Kitilya, Afisa Mwandamizi wa Benki ya Stanbic Tawi la Tanzania ambaye ni Mshindi wa Taji la Miss Tanzania 1996 Shose Sinare na Sioi Solomoni na baada ya kupandishwa kizimbani Aprili Mosi Mwaka huu.

Watuhumiwa hao walikutana na mkono wa sheria kwa kuburuzwa kizimbani kwa tuhuma Zilizokuwa zikiwakabili zikiwemo za kula njama, kutenda kosa pamoja na kosa la kughushi na kujipatia fedha kwa njia ya udanganyifu.

Hakimu Mkazi Emillius Mchaurukwa amesema kesi hiyo itasikilizwa April 27 mwaka huu katika  Mahakama ya Hakimu Mkazi Kisutu Jijini Dar es Salaam baada ya kushindwa kusikilizwa leo kutokana na kushindwa kukamilisha uandikaji wa uamuzi wa kuondoa shitaka la
Utakatishaji fedha linalowakabili washtakiwa wote watatu.

Watuhumiwa wote watatu aWmerudishwa Rumande wakisubiri hadi  27 April Mwaka Huu ambapo kesi hiyo itasikilizwa tena.