Waziri Kitwanga atoa Msaada wa Baiskeli 120 kwa Makatibu wa Matawi ya Ccm Jimboni kwake Misungwi

Waziri wa Mambo ya Ndani ya Nchi, ambaye pia ni Mbunge wa Jimbo la Misungwi mkoani Mwanza, Charles Kitwanga akizungumza na wanachama wa Chama Cha Mapinduzi (CCM) wa Jimbo lake mara baada ya Mbunge huyo kutoa msaada wa Baiskeli 120 zenye thamani ya zaidi ya Shilingi milioni 22 kwa ajili kutumika jimboni humo katika shughuli mbalimbali za chama. Makabidhiano hayo yalifanyika katika Ofisi ya CCM Wilaya ya Misungwi ambapo makatibu wote Wa matawi walikabidhiwa baiskeli hizo.

Katibu wa Chama Cha Mapinduzi (CCM), Mkoa wa Mwanza, Miraji Mtaturu akizungumza na Wanachama wa CCM wa Jimbo la Misungwi mara baada ya Katibu huyo kukabidhiwa Baiskeli 120 zenye thamani ya zaidi ya shilingi milioni 22 na Waziri wa Mambo ya Ndani ya Nchi, ambaye pia ni Mbunge wa Jimbo hilo, Charles Kitwanga (wanne kulia mstari wa mbele). Baiskeli hizo walikabidhiwa makatibu wote wa matawi wa CCM jimboni humo ili ziweze kurahisisha usafiri katika kazi mbalimbali za chama jimboni humo.

Waziri wa Mambo ya Ndani ya Nchi, ambaye pia ni Mbunge wa Jimbo la Misungwi mkoani Mwanza, Charles Kitwanga (kulia) akimkabidhi Baiskeli 120 zenye thamani ya zaidi ya shilingi Milioni 22, Katibu wa Chama Cha Mapinduzi (CCM), Mkoa wa Mwanza, Miraji Mtaturu kwa ajili ya kuwakabidhi makatibu wa matawi wa CCM Jimbo la Misungwi ili ziweze kutumika kwa ajili ya Shughuli za chama jimboni humo. Makabidhiano hayo yalifanyika katika Ofisi ya Wilaya ya Chama hicho, mjini Misungwi.

Katibu wa Chama Cha Mapinduzi (CCM), Mkoa wa Mwanza, Miraji Mtaturu (kushoto) akiwakabidhi Baiskeli baadhi ya makatibu wa matawi wa CCM wa Jimbo la Misungwi, mara baada ya Katibu Huyo kukabidhiwa Baiskeli 120 zenye thamani ya zaidi ya shilingi milioni 22, na Waziri wa Mambo Ya Ndani ya Nchi, ambaye pia ni Mbunge wa Jimbo hilo, Charles Kitwanga (kulia).  Baiskeli hizo ambazo zitatumika katika shughuli za kichama jimboni humo zilikabidhiwa katika ofisi za chama hicho, mjini Misungwi leo.

Tigo Yafungua Duka jipya wilayani Handeni

 Mkurugenzi wa Tigo kanda ya Pwani, Goodluck Charles akitoa hotuba yake wakati wa ufunguzi wa duka jipya la TIgo wilayani Handeni mkoani Tanga  kulia kwake   ni Mkuu wa willaya ya Handeni mhe. Halima Rajab Msangi uzinduzi huo umefanyika mapema wiki wilayani Handeni.

Mkuu wa wilaya ya Handeni Mhe. Halima Rajab Msangi (wa pili kulia) akikata utepe kuzindua duka jipya la Tigo wilayani humo. Wengine mkurugenzi wa Tigo kanda ya Pwani, Goodluck Charles(wa pili kushoto), Meneja huduma kwa wateja kanda ya Pwani, Isaack Shoo (kulia) na Msimamizi wa Duka la Tigo Handeni,  Zuhuru Omary. uzinduzi huo umefanyika mapema wiki wilayani Handeni.

Meneja huduma kwa wateja kanda ya Pwani, Isaack Shoo akitoa maelezo kuhusu simu zinazouzwa katika duka jipya la Handeni kwa mgeni rasmi Mkuu wa wilaya ya Handeni Mhe. Halima Rajab Msangi anayeshuhudia ni Mkurugenzi wa Tigo kanda ya Pwani, Goodluck Charles uzinduzi huo umefanyika mapema wiki wilayani Handeni mkoani Tanga.

Mkuu wa willaya ya Handeni  Mhe. Halima Rajab Msangi  akiwa katika picha ya pamoja na  Mkurugenzi wa Tigo kanda ya Pwani, Goodluck Charles na wafanyakazi wa Tigo wa duka la Handeni mara baada ya uzinduzi uliofanyika mapema ya wiki wilayani Handeni mkoani Tanga.

Rais Magufuli achangia shilingi milioni 10 upanuzi wa kanisa Chato

JAMHURI YA MUUNGANO WA TANZANIA

KURUGENZI YA MAWASILIANO YA RAIS IKULU

TAARIFA KWA VYOMBO VYA HABARI

Rais wa Jamhuri ya Muungano wa Tanzania Dkt. John Pombe Magufuli ametoa Mchango wa Shilingi Milioni 10 kwa Kanisa la Bikira Maria Parokia ya Chato Mkoani Geita kwa ajili kuchagia upanuzi wa kanisa hilo.

Fedha hizo zimekabidhiwa na Kaimu Mnikulu Bw. Ngusa Samike katika misa ya pili ya ibada ya Jumapili ya pili ya Pasaka, iliyofanyika kanisani hapo leo tarehe 03 April, 2016.

Kabla ya misa hiyo ya pili Rais Magufuli na Mkewe Mama Janeth Magufuli wakiwa pamoja na Waziri Mkuu Mstaafu wa Kenya Mheshimiwa Raila Amoro Odinga na Mkewe Mama Ida Odinga, walisali misa ya kwanza ambapo Rais Magufuli aliahidi kuchangia shilingi milioni 10 kwa ajili ya upanuzi wa kanisa hilo ambao unaendelea.

Katika Misa hiyo Paroko wa Parokia ya Chato, Padre Henry Mulinganisa alieleza kuwa kanisa hilo linatarajia kuadhimisha miaka 50 ya tangu kuanzishwa kwake baadaye mwaka huu, na kwamba maadhimisho hayo yanakwenda sambamba na upanuzi wa kanisa ambao unachangiwa na waumini wenyewe.

Padre Mulinganisa amemshukuru Rais Magufuli kwa mchango huo, na amemuahidi kuwa utatumika vizuri ili uendeleze upanuzi wa kanisa hilo pamoja na michango ya waumini wengine.

Gerson Msigwa

Kaimu Mkurugenzi wa Mawasiliano, IKULU

Chato

03 April, 2016