Meya Ilala amekunjua Makucha Yake kwa Mhandisi wa Barabara

   

Na Kalonga Kasati

kutumbua majipu ni wimbo unaopendwa na watanzania wengi, naimani watanzania Bado hawajalisahau jipu lililo tumbuliwa jana na Rais Dkt John Pombe Magufuli wakati wa Uzinduzi wa daraja la Nyerere, ambapo ame msimamisha kazi Mkurugenzi wa Manispaa ya Ilala Wilson Kabwe.

Kutumbua majipu hakuchagui dini, rangi wala kabila, au itikadi yeyote ile hivi ndivyo anavyo Uthibitishia umma wa watanzania wengi Mstahiki Meya wa Ilala Charles Kuyeko baada ya Kuwatumbua watumishi watatu wa manispaa hiyo kwa usimamizi mbovu wa miradi ya Barabara za wilaya hiyo.

Akizungumza jijini Dar es Salaam leo Mstahiki Meya Kuyeko amesema wilaya yake imejipanga kusimamia miradi ya maendeleo katika wilaya hiyo na kuwanufaisha wanachi Wote, hivyo kutokana na kikao kilichofanywa na madiwani mwishoni wa wiki wameadhimia Kumsimamisha kazi Mhandisi mkuu Japhari Mwigane na watumishi wengine ambao ni Siajari Mahili na Daniel Kiligiti.

 

Mstahiki Meya Wilaya ya Ilala Charles Kuyeko.

Meya amesema watumishi hao wamekuwa wakilalamikiwa kwa muda mrefu na madiwani wa Wilaya hiyo lakini wamekuwa hawayafanyii kazi malalamiko hayo jambo ambalo limemplelekea meya kuchukua hatua hiyo ya kuwasimamisha kazi kutokana na usimamizi Mbovu wa barabara, akiitolea mfano wa barabara ya Moshi Bar ambayo imeleta athari kwa Wakazi wanaopita kwenye barabara hiyo.

Katika hatua nyingine Mstahiki Meya Kuyeko ameeleza kuwa Manispaa yake imetenga bilioni 85 kusimamia miradi ya maendeleo tofauti na bajeti za miaka iliyo pita hivyo anaimani kutokana na bajeti hiyo itaweza kutatua suala la miundombinu, huduma za Afya, suala la Elimu kwa kuongeza vyumba vya madarasa na madawati ambapo wameishaanza kujenga Madarasa kuanzia matano mpaka nane kwa shule zenye upungufu.