Simba kuivaa Mbeya city leo

Kikosi cha Simba

Ligi Kuu ya Tanzania Bara (VPL), inaendelea leo Jumamosi ambapo vinara wa ligi hiyo Simba inatarajiwa kuialika Mbeya City kwenye Uwanja wa Taifa, Dar es Salaam.

Katika mchezo wa leo, Simba itawakosa mabeki wake Javier Bukungu ambaye anatumikia adhabu ya kadi nyekundu pamoja na Method Mwanjali ambaye bado ni majeruhi huku Mbeya City ikichagizwa na ujio wa wachezaji wapya ambao hawakuwepo katika mzunguko wa kwanza akiwemo Mrisho Ngassa pamoja na waganda Tito Okelo na Ruud Mayanja.
Ukiacha mchezo huo, michezo mingine itakuwa ni kati ya Toto Africans na Mbao FC kwenye Uwanja wa CCM Kirumba, jijini Mwanza huku Kagera Sugar ikiikaribisha Majimaji ya Songea kwenye Uwanja wa Kaitaba mjini Bukoba.
Azam FC pia inacheza na Stand United ya Shinyanga kwenye Uwanja wa Chamazi. Mchezo huo utaanza saa 1.00 jioni wakati mechi nyingine zitaanza saa 10.00 jioni.
Jumapili Machi 5, mwaka huu Mtibwa Sugar itaialika Young Africans kwenye uwanja huo katika mfululizo wa mechi za Ligi Kuu ya Tanzania Bara.

Mchezo mwingine wa Ligi Kuu utachezwa Uwanja wa Uhuru ambako African Lyon itaialika Mwadui ya Shinyanga wakati Ndanda FC itakuwa mwenyeji wa Ruvu Shooting kwenye Uwanja wa Nangwanda Sijaona siku ya Jumatatu Machi 6, mwaka huu.