Amir Khan azidi kujitetea katika Pambano lake

 

Bondia Amir Khan amesema hakuna uwezekano wowote wa yeye kuchuana na mpinzani wake Mkuu Kell Brook, licha ya kushindwa vibaya na Saul Canelo Alvarez.

Kulikuwa na matumaini makubwa kuwa kufuatia uamuzi wake wa kujiunga katika uzani wa Kati au Middleweight, pambano kati yake na bingwa wa shirisho la kimataifa la dondi IBF, Kell Brook, lingeandaliwa. Lakini Khan amesema Brook sio bondia mwenye tajiriba na kwa Sasa hawezi kushiriki pigano lolote dhidi yake.

Amesema anamheshimu bondia huyo, kwa sababu ni bingwa wa dunia lakini tofauti zao Haziwezi kumruhusu kukubali kupambana naye. ”Ningependa kupambana na mabondia Mashuhuri duniani, ili kuwa na rekodi nzuri na kwa sasa nimesalia na mapambano machache tu” Alisema Khan.

Khan anayetoka eneo la Bolton na Brook kutoka Sheffield wamekuwa wakitaniana kwa muda Na wakati Brook aliposhinda taji la dunia kulikuwa na dalili ya pambano lao kufuata lakini Sasa Khan hayupo tayari.