Maelfu waandamana kutaka Trump kutangaza kodi aliyolipa kwa serikali

 Makumi ya maelfu ya watu kote katika Marekani wamekuwa wakifanya maandamano katika miji mbalimbali wakitaka Rais Donald Trump, kutangaza kodi aliyolipa kwa Serikali, jambo ambalo yeye binafsi amekataa kufanya.
Waandamanaji wengine walibeba sanamu kubwa za kuku, wakimaanisha kuwa Rais ni mwoga na amekataa kutoa takwimu za kodi yake.
Karibu watu 14 wametiwa mbaroni katika Berkeley, katika Carlifornia ambako wafuasi wa Rais Trump na wapinzani wake walikabiliana.
Ingawa hakuna sheria inamlazimu Bwana Trump kutangaza kodi yake, Marais wote wa Marekani wamekuwa wakifanya hivyo kwa muda wa miongo minne iliyopita.
Maandamano hayo yalipangwa kwenda sambamba na siku ya mwisho ya raia kuwasilisha takwimu zao za kodi.