Madee nimetumia vazi la kanzu kama mavazi mengine

  

Na Tabu Mullah

Vazi la Kanzu huvaliwa mara nyingi na waumini wa Dini ya Kiislamu ikiwa ni kielezo cha dini yao, japo kwa mujibu wa dini hiyo Mchamungu ndio mtu mwema kwa Mungu haijalishi amevaa kanzu au lah cha muhimu afuate yaliyoamrishwa na kuacha yaliyokatazwa na Mwenyezi Mungu.

 

Kwenye Tasnia ya Muziki tumeona baadhi ya wasanii mbalimbali wakitumia vazi la kanzu kwenye video zao akiwemo Davido ambaye alivaa vazi la kanzu kwenye wimbo wake wa The Sound huku Niki wa Pili wa Kundi la Weusi nae akivalia vazi hilo kwenye video ya Bum Kum Bum, naye msanii Madee ametumia vazi hilo katika video yake ya wimbo ya Migulu Pande anayotarajia kuiachia siku ya Jumatatu.

 

Picha aliyopost Madee kupitia ukurasa wake wa Instagram akiwa amevalia vazi hilo la kanzu imezua utata kwa baadhi ya watu kudai kuwa ameidhalilisha Dini ya Kiislamu na mmoja wa mameneja wa msanii huyo maarufu kama Dj Kman au Ally Taletale  ambaye amefunguka kuwa wametumia vazi la kanzu kama mavazi mengine.

 

Ndio maana katika video hiyo waliyoiachia wamechanganya mavazi mbalimbali, hivyo hawajaudhalilisha uislamu, na kuongeza kuwa kuna baadhi ya nchi kama Dubai watu huvaa vazi hilo na kwenda sehemu ambazo sio za ibada ikiwemo kumbi za kuonesha mpira