Inter Milan yamtimua kocha wake Frank de Boer

Kilabu ya Inter inayocheza kwenye ligi kuu ya soka ya Serie A nchini Italia imetangaza kumfuta kazi kocha wake Frank de Boer.

Kulingana na maelezo yaliyotolewa mtandaoni kupitia tovuti rasmi ya Inter, iliarifiwa kutimuliwa kwa kocha huyo Mholanzi kutokana na matokeo yasiyoridhisha.

Katika siku za hivi karibuni, kilabu ya Inter imekuwa ikishindwa kupata matokeo mazuri chini ya ukufunzi wa Frank de Boer mwenye umri wa miaka 46.

Kocha Frank de Boer alisaini mkataba na Inter mwezi Agosti ili kuziba pengo la Roberto Mancini.

Kufuatia uamuzi huo, Inter itaongozwa na Stefano Vecchi kwa muda ambaye ni kocha wa timu ya wachezaji chipukizi wa kilabu hiyo.