Torres aliumia wakati akiwania mpira na beki wa Derpotivo La Coruna katika mechi iliyoisha kwa sare ya bao 1-1, jana.
Hata hivyo, taarifa zilizotolewa asubuhi zimeeleza, Torres yuko vizuri naye alitupia mtandaoni kuwashukuru mashabiki waliomuombea.
ad
Friday, 3 March 2017
Picha za Fernando Torres alivyoumia
Torres aliumia wakati akiwania mpira na beki wa Derpotivo La Coruna katika mechi iliyoisha kwa sare ya bao 1-1, jana.
Hata hivyo, taarifa zilizotolewa asubuhi zimeeleza, Torres yuko vizuri naye alitupia mtandaoni kuwashukuru mashabiki waliomuombea.
Ofisi ya Rais-Menejimenti ya Utumishi wa Umma na Utawala Bora leo imekabidhiwa magari mawili kutoka Shirika la Kimataifa la Maendeleo la Japan
Mkurugenzi wa Idara ya Uchambuzi
na Ushauri wa Kazi wa Ofisi ya Rais-Utumishi, Bw. Mick Kiliba (katikati)
akimwakilisha Katibu Mkuu, Ofisi ya Rais-Utumishi katika mazungumzo na
Mwakilishi Mkazi Mwandamizi wa Shirika la Kimataifa la Maendeleo la
Japani (JICA), Bw. Toshio Nagase (kulia) katika hafla fupi ya kupokea
magari mawili (2) yaliyotolewa na JICA leo katika ukumbi wa JICA.
Mwakilishi Mkazi Mwandamizi wa
JICA, Bw. Toshio Nagase (kulia) akizungumza na Mkurugenzi wa Idara ya
Uchambuzi na Ushauri wa Kazi wa Ofisi ya Rais-Utumishi, Bw. Mick Kiliba
(katikati) wakati wa hafla fupi ya kukabidhi magari kwa Ofisi ya Rais
-Utumishi katika ukumbi wa JICA mapema leo. Wa kwanza kushoto ni Mshauri
wa Masuala ya Mahusiano kwa Umma wa JICA, Bw. Raymond Msoffe.
Kaimu Mkurugenzi wa Kitengo cha
Ugavi na Ununuzi wa Ofisi ya Rais–Utumishi, Bw. Peter Mabale akihakiki
vibali vya mojawapo ya gari lililokabidhiwa kwa Ofisi ya Rais – Utumishi
kutoka JICA.
Mkurugenzi wa Idara ya Uchambuzi
na Ushauri wa Kazi wa Ofisi ya Rais-Utumishi, Bw. Mick Kiliba (katikati)
akipokea funguo za magari kwa niaba ya Katibu Mkuu, Ofisi ya
Rais-Utumishi Dr. Laurean Ndumbaro kutoka kwa Mwakilishi Mkazi
Mwandamizi wa JICA Bw. Toshio Nagase (kushoto) katika ofisi za JICA
mapema leo.
Wawakilishi kutoka Ofisi ya Rais-
Utumishi na JICA mara baada ya hafla ya makabidhiano ya magari katika
ofisi za JICA jijini Dar es salaam.
Ofisi ya Rais-Menejimenti ya
Utumishi wa Umma na Utawala Bora leo imekabidhiwa magari mawili kutoka
Shirika la Kimataifa la Maendeleo la Japan (JICA) kwa matumizi ya
ofisi.
Mwakilishi Mkazi Mwandamizi wa
JICA Bw. Toshio Nagase akizungumza katika hafla ya makabidhiano alisema
JICA imekabidhi magari hayo kutokana na ushirikiano mzuri uliopo kati
ya Ofisi ya Rais-UTUMISHI na JICA.
JICA imetoa msaada wa magari kwa Ofisi ya Rais-Utumishi ikiwa ni mwendelezo wa ushirikiano uliopo kati ya ofisi hizo mbili.
Wakati wa hafla hiyo, Mwakilishi
wa Katibu Mkuu-Utumishi Bw. Mick Kiliba alisema Tanzania imekuwa kati ya
nchi zinazonufaika na misaada kutoka nchini Japan.
“ Japan imekuwa ikiisaidia
Tanzania katika sekta mbalimbali ikiwamo Elimu, Miundombinu, Afya, Maji
na Maendeleo ya rasilimaliwatu na leo ninafuraha kuona ushirikiano huu
unaendeleza urafiki wetu” Bw. Kiliba alifafanua.
Shakira apata kashfa ya wizi wa Wimbo
Mwanamuziki kutoka Cuba amewasilisha malalamishi dhidi ya nyota wa muziki wa Pop Shakira na Carlos Vivez akiwatuhumu kuchukua kipande kidogo cha wimbo wake alioandika miaka kumji iliopita.
Wimbo uliopata ummarufu mkubwa Bicicleta ulioimbwa na na Shakira na Vives ulishinda tuzo za Gramyy miongoni mwa mataifa ya Latino mwaka uliopita.
Msanii huyo wa Cuba, Livan anadai kwamba Shakira na Vivez walinakili mshororo na kipande kidogo cha kibwagizo cha wimbo wake wa 1997 Yo Te Quiero Tanto {I Love You So much} iliochapishwa na kampuni ya muziki ya Sony.
Mahakama ya Uhispania ambapo Shakira anaishi itachunguza madai hayo.
Joseph Omog:Tunahitaji kuwa mabingwa
Aidha, ameeleza kuwa kesho Jumamosi watashuka kuivaa Mbeya City kwa kutumia nguvu na akili nyingi.
"Tunahitaji kuwa mabingwa, sina kingine ninachoweza kukuelezea," alisema kwa kifupi Mcameroon huyo.
Omog amesema anajua wachezaji wa Mbeya City wanatumia nguvu, hivyo yeye ameongeza ‘Akili' ili kuhakikisha wanaondoka na pointi tatu muhimu.
Serengeti Boys kunolewa na Nyota wa Liverpool
JOHN BARNES.
Mchezaji mkongwe wa Liverpool ya England, John Barnes, amewasili
nchini jana kwa ajili ya kushiriki katika shughuli mbalimbali za michezo
ikiwamo kuwafunda wachezaji wa timu ya Taifa ya Vijana ya umri chini
miaka 17 (Serengeti Boys).
Barnes amekuja nchini kwa mwaliko wa Benki ya Standard Chartered ambayo
kesho itasheherekea miaka 100 tangu ilipoanzishwa mwaka 1917.Mkurugenzi Mtendaji wa benki hiyo, Sanjay Rughani, alisema anaamini ujio wa nyota huyo utasaidia kuhamasisha wachezaji chipukizi kufikia malengo yao kwa kuwa wachezaji wa kimataifa.
Rughani amesema amefurahi kuona timu kutoka sehemu mbalimbali zilichuana kuwania Kombe la Standard Chartered ambalo mabingwa wake wataenda kutembelea makao makuu ya Liverpool na kushuhudia wakicheza mechi mojawapo ya Ligi Kuu England.
Alisema mbali na kumualika mkongwe huyo, benki yao inajipanga kusaidia maandalizi ya Serengeti Boys ambayo baadaye mwaka huu itashiriki fainali za Afrika za Vijana zitakazofanyika Gabon.
Kesi ya Lema Kuunguruma leo
Mbunge wa Jimbo la Arusha Mjini Godbless Lema akishuka kwenye gari kuingia mahakamani.
Viongozi mbalimbali wa Chadema wakiongozwa Katibu Mkuu wa Chadema Dr
Vicent Mashinji, Waziri Mkuu Mstaafu na Mjumbe wa Kamati Kuu ya Chadema
Edward Lowasa, Waziri Mkuu Mstaafu Sumaye na Meya wa Jiji la Arusha
Mjini Kalisti Lazaro wakiwa mahakamani kusikiliza uamuzi wa Mahakama
kuhusu dhamana ya Mbunge wa Arusha Mjini Godbless Lema unaotolewa leo
Thursday, 2 March 2017
Janga la njaa kuwa maafa ya taifa Somalia
Rais wa Somalia, Mohamed Farmajo atangaza janga la njaa kama maafa ya
kitaifa. Aitaka jamii ya kimataifa kuchukua hatua za haraka.
Katika taarifa iliyotolewa jana na Ikulu ya Somalia, Rais Farmajo
amesema, kuna wajibu wa kuchukuliwa hatua za dharura za kibinadamu
katika maeneo yote yaliyoathiriwa na ukame.
Mwanasheria mkuu wa Marekani matatani
Mwanasheria mkuu wa Marekani, Jeff Sessions, alikutana kwa zaidi ya mara
mbili na balozi wa Urusi wakati wa kampeni za urais za Donald Trump
mwaka uliopita, Serikali imethibitisha.
Sessions ambaye wakati huo alikuwa ni seneta, hakuweka wazi mkutano wake
na balozi wa Urusi wakati alipohojiwa na wabunge wakati wa
kuthibitishwa kwake kama mwanasheria mkuu.
Hata hivyo amesisitiza kuwa hakuwahi kukutana na kiongozi yeyote wa Urusi kuzungumzia masuala ya kampeni.
Kiongozi wa wachache bungeni kutoka chama cha Democrats, Nancy Pelos,
amemtumu Sessions kwa kudanganya wakati akiwa chini ya kiapo na kumtaka
ajiuzulu nafasi yake.
Wabunge wengine wamemtaka aachie nafasi yake kupisha uchunguzi wa
shirika la upelelezi FBI, ambalo linamchunguza mwanasheria mkuu kuhusu
madai haya mapya dhidi yake.
Taarifa hizi zimeibuka punde tu baada ya bunge la Congress kukubali
kufanyike uchunguzi rasmi kuhusu madai kuwa Urusi iliingia uchaguzi wa
nchi hiyo kwa kufanya udukuzi.
Kamati ya masuala ya intelijensia inatarajia kuwachunguza na kuwahoji
maofisa wa Serikali ya Trump pamoja na watu wake wa kampeni kuhusiana na
kufanya mawasiliano na Urusi.
Habari Katika Picha
Mkemia Mkuu wa Serikali , Profesa
Samwel Manyelle akizungumza na waandishi wa habari leo jijini Dar es
Salaam kuhusiana na ununuzi wa mtambo mpya wa kisasa aina ya Energy
Dispersive X Ray Fluorescence (EDXRF) kwa ajili ya uchunguzi wa
kimaabara wa kutambua aina na kiasi cha madini (Metals) kwenye migodi.
Ridhiwan Kikwete: mama Salma Kikwete ni Mwanamke wa shoka kwani amewezesha wasichana wengi nchini Tanzania kupata elimu
Mbunge wa Jimbo la Chalinze mkoani Pwani Ridhiwan Kikwete amefunguka
baada ya mama yake jana kuteuliwa na Rais Magufili kuwa Mbunge wa Bunge
la Jamhuri ya Muungano wa Tanzania
Ridhiwan Kikwete amesema kuwa mama Salma Kikwete ni mwanamke wa shoka
kwani amewezesha wasichana wengi nchini Tanzania kupata elimu na amekuwa
mtetezi wa haki za wanawake hivyo anaamini kupata nafasi ya kuwa Mbunge
itakwenda kuwezesha mapambano kuwa sheria rasmi."Umekuwa mtetezi wa haki za wanawake na usawa wa kijinsia, umewezesha wasichana kupata elimu. Wewe ni mwanamke wa Shoka. Hongera sana kwa uteuzi. Imani sasa umepata sehemu ya kuwezesha mapambano kuwa sheria. Mungu akutangulie Mama yangu , Mheshimiwa Mbunge. Hongera tena" aliandika Mhe. Ridhiwan Kikwete
Kocha wa Barcelona Enrique kujiuzulu
Enrique atakuwa amehudumu kama meneja wa klabu hiyo kwa misimu mitatu.
Aliishindia klabu hiyo kombe la vilabu bingwa na mataji mengine mawili alipojiunga na Barcelona na kuwasaidia kushinda makombe 2 mwaka uliopita.
Lakini licha ya klabu hiyo kuongoa katika jedwali la ligi Barcelona iko katika hatari ya kubanduliwa katika kombe la vilabu bingwa Ulaya msimu huu baada ya kufungwa 4-0 na Prais St-Germain.
Wabunge wamfuta kazi waziri
Waziri Mkuu wa Lesotho Pakalitha Mosisili amepigiwa kura ya kutokua na imani naye na bunge la nchi.
Kufuatia hatu hio, bunge la taifa litavunjwa na uchaguzi mwingine kufanyika.
Hii ndio mara ya pili katika kipindi cha miaka mitatu ambapo Lesotho imefanya uchaguzi wa mapema.
Ufalme huo pia umeshuhudia majaribio kadhaa ya mapinduzi tangu kupata uhuru wake kutoka kwa Uingereza.
Wiki jana Waziri Mkuu huyo, anayekumbwa na msukusuko wa kisiasa aliambia BBC kwamba serikali yake ya muungano ilikua thabiti.
Hata hivyo mapema leo utawala wake umepata pigo kubwa baada ya bunge kupiga kura ya kutokua na imano naye.
Wanasiasa wengi wa muungano tawala wamehamia kwenye upande wa upinzani na hivyo kuyumbisha utawala wa Waziri Mkuu Pakalitha Mosisili.
Muungano aliounda ulionekana kuwa hafifu sana.
Mwanasiasa huyo alichukua hatamu za uongozi mwaka wa 2015 baada ya uchaguzi mkuu kushindwa kupata mshindi wa moja kwa moja.
Namna ya kupunguza vifo kwa akina mama kutokana na matatizo ya mimba, uchungu na uzazi
Na Jovina Bujulu- MAELEZO.
Utepe mweupe duniani ni alama ya
uwakilishi ya kuwakumbuka akina mama waliofariki kutokana na matatizo ya
mimba, uchungu na uzazi pamoja na utepe mweupe ili kushughulikia
matatizo yanaweza kuepukika kwa akina mama.
Nchini Tanzania asasi ya kiraia ya
Muungano wa Utepe mweupe ndiyo inashugulikia huduma mbalimbali za afya
na kuhamasisha jamii kuwajibika ili kupunguza na hatimaye kuondoa kabisa
tatizo la vifo vitokanavyo na uzazi.
Mratibu wa taifa asasi hii Mama
Rose Mlay akizungumza jijini Dar-es-Salaam hivi karibuni alisema kuwa
lengo la kuanzishwa kwa asasi hii ni kushawishi kuimarika kwa huduma za
afya, kwa mama na mtoto.
“Asasi hii ambayo ilianzishwa
mwaka 2004 pia inahakikisha kuwa tatizo la vifo vya uzazi linapunguzwa
na hatimaye kumalizwa kabisa, hasa kutokana na sababu ambazo
zinaepukika” alisema mama Mlay.
Aliendelea kusema kuwa lengo la
asasi hii pia kuifanya Tanzania kuwa taifa ambalo haki ya mama na mtoto
kuwa salama wakati wa kujifungua na baada ya kujifungua linazingatiwa.
Inakisiwa kuwa duniani kiasi cha
wanawake 8000 hufanikiwa kila mwaka kutokana na matatizo ya uzazi. Idadi
hii ya watu ni kubwa kwa viwango vyovyote vile na ina madhara makubwa
kijamii na kiuchumi.
Utafiti wa demokrasia ya Afya wa
mwaka 2010, ulionyesha kuwa wanawake 24 hufariki kila siku na watoto
wachanga 144 hufariki kila siku. Kutokana na juhudi za serikali,
Muungano wa Utepe mweupe na wadau wake, vifo hivyo vilipungua kwa
wajawazito 600 na watoto chini ya mwezi mmoja vifo 1000 vilipungua
ikilinganishwa na mwaka 2013 ambapo wajawazito waliopoteza maisha
walikuwa 8500 na watoto 48000 kwa mwaka.
“Vifo hivyo vina madhara makubwa
kwa kijamii na kiuchumi kwani wanaokufa ni nguvu kazi ya taifa, na vifo
hivyo huacha watoto yatima ambao wanaleta changamoto kubwa kwa jamii
katika malezi” anasema Mama Mlay.
Sababu za vifo hivyo ni pamoja na
uduni wa huduma za afya, utaratibu wa kujifungulia nyumbani, gharama
zinazoambatana na huduma hizo, kifafa cha mimba na mapigo ya moyo kuwa
juu.
Katika maadhimisho ya siku ya
Utepe mweupe yaliyofanyika mwaka 2016, Makamu wa Rais Mama Samia Suluhu
Hassan aliwasihi wanawake kujiunga na mfuko wa jamii wa huduma ya Bima
ya Afya ili kuondokana na ukosefu wa fedha wakati wa kujifungua maana
huduma hii inatolewa kwa utaratibu maalum unaowawezesha kutibiwa bila
kulipa fedha taslimu.
Aidha Mama Samia aliwataka
wananchi kuachana na mila potofu hasa ukeketaji ambao unasababisha
tatizo la kutoka damu nyingi na hatimaye kusababisha vifo wakati wa
kujifungua.
Vikwazo vingine vya kufikiwa uzazi
salama nchini ni pamoja na vituo vingi vya afya kukosa huduma za awali
na za dharura, kama upasuaji na damu salama, umeme wa uhakika, hasa
vijijini na upungufu wa watumishi wa afya wenye ujuzi na stadi, upungufu
wa vifaa, tiba na dawa muhimu.
Changamoto nyingine ni pamoja na
kuwanyima watoto wa kike elimu, kuwaozesha watoto katika umri mdogo,
kuwanyima wanawake fursa ya kumiliki uchumi, hivyo kuwafanya kushindwa
kufikia huduma bora za afya hususani wakati wa kujifungua na kuishia
kuhudumiwa na wakunga wa jadi ambao hawawezi kuhimili matatizo makubwa
ya uzazi pindi yanapojitokeza.
Naye Afisa mawasiliano wa asasi
hiyo Ndugu Anna Sawaki anasema kuwa asasi hiyo inafanya kazi kwa karibu
sana na kundi la wabunge 22 wakiongozwa na Mbunge wa Peramiho Mh Janista
Mhagama, kwa kushawishi watunga sera waongeze bajeti ya wizara ya Afya
ili kuboresha huduma za afya ya mama na mtoto na kutoa elimu ya uzazi
ili kupunguza vifo vitokanavyo na uzazi.
“Katika kuhakikisha tunafanikisha
suala hilo, Muungano wa Utepe mweupe umekuwa ukitafuta ushawishi ngazi
ya halmashauri mpaka serikali kuu kwa nafasi zao kuhakikisha bajeti ya
huduma za uzazi za dharura zinapewa kipaumbele katika ngazi za
halmashauri na bajeti ya afya kwa ujumla” anasema Ndugu Sawaki.
Rais Magufuli amempa siku 28 Meneja wa Idara ya Maji Mkoa wa Pwani
Rais Magufuli amempa siku 28 Meneja wa Idara ya Maji kuhakikisha maji yanapatikana Ikwiriri. Akishindwa atamchukulia hatua.
Rais Magufuli, leo March 2, 2017 ameanza ziara ya kikazi ya siku 4
kwenye mikoa ya Pwani, Lindi na Mtwara, atafungua miradi ya maendeleo.
Katika ziara hiyo Rais Magufuli atafungua miradi mbalimbali ya maendeleo na kuzungumza na wananchi katika mikutano ya hadhara.
Wananchi wametakiwa kutoa taarifa kwa mamlaka husika pindi wanapoona mabango ya matangazo barabarani
Wananchi wametakiwa kutoa taarifa kwa mamlaka husika pindi wanapoona mabango ya matangazo barabarani ambayo wanayatilia shaka.
Haya yanasemwa jijini
Dar-es-salaam na Waziri wa Nchi, Ofisi ya Waziri Mkuu, Sera, Bunge,
Ajira na watu wenye Ulemavu Mh. Janista Mhagama alipokuwa akizungumzia
uwepo kwa utitiri wa mabango ya ajira yanayoambatana na ahadi za uongo
kwenye mishahara.
Alisema kuwa sheria za uwekaji
mabango barabarani zinazoongozwa na mamlaka husika zikiwemo Serikali za
Mitaa, Halmashauri ya Jiji na Miji ambazo huweka kanuni na taratibu za
mabango hayo.
“Mamlaka husika zina wajibu wa
kujiridhisha na kuhakikisha mabango yanayopewa ruhusa kubandika
barabarani ni sahihi, yanatangaza ukweli na yanafuata maadili” alisema
Mhe. Mhagama.
Waziri Mhagama aliongeza kuwa
ikibainika kuwa mabango hayo yanakwenda kinyume na utaratibu
waliokubaliana, mamlaka husika wana wajibu wa kuyafuatilia na kuyaondoa
mabango hayo ili kuondoa usumbufu usiowa lazima kwa wananchi.
Akizungumzia suala la mabango
yanayotangaza ajira yanayoambatana na ahadi za uongo, Mhe. Mhagama
amesema kuwa kuwa wizara yake ndiyo yenye dhamana ya ajira, inabidi
wawasiliane na mamlaka husika ambazo zimeruhusu mabango hayo ili
wafuatilie na kuchukua hatua stahiki.
Rais wa Zimbambwe Robert Mugabe ameenda Singapore kufanya vipimo vya Afya
Rais wa Zimbambwe Robert Mugabe ameenda Singapore kufanya vipimo vya Afya yake, siku chache baada ya sherehe ya kufikisha miaka 93.
Mugabe amekua dhaifu zaidi, na sasa anapata shida hata kutembea wakati wa matukio mbalimbali ya kitaifa.
Msemaji wa rais huyo alisema kuwa vipimo hivyo ni vya mara kwa mara na Rais anatarajiwa kurejea nchini Zimbabwe wiki ijayo.
Mugabe ni kiongozi mwenye umri mkubwa zaidi duniani, aliingia madarakani mnamo mwaka 1980
Ujumbe alioupost Jokate
Kupitia ukurasa wake wa Instagram Mwanadada Jokate ambaye anatoka
kimapenzi na Alikiba ameandika ujumbe huu hapo chini ambao umewaacha
watu wakijiuliza maswali ni nani hasa anakusudiwa? Ingawa katika baadhi
ya Komenti za mashabiki wake katika posti hiyo aliyoweka zimeonesha
Mwanadada huyo kama haridhiki na ukaribu alionao Alikiba na meneja wake
Seven Mosha
@jokatemwegelo Unapotumia sio nguvu bali akili nyingi kumtengeneza mtu na akafikia mafanikio fulani hivi halafu ki-mtu kingine kikajiweka mbele na kutaka credit zote 😳🙄🙈, una smile kama hivi 😊ukiacha waendelee huku ukitafakari maneno kwenye vitabu vitakatifu wa kwanza atakuwa wa mwisho na mwisho atakuwa wa kwanza. Maisha ni mzunguko. Mungu yu mwema sana.
BAADHI YA KOMENTI
@mamibella1
That mosha woman seems manipulative. She getting kiba to give her some
or what? She don't want no woman around kiba... You shoulda seen the way
she was Moody when vee escorted kiba at some event the other day. Like,
sup with her?
@issakasonga
Kiba na Meneja wake 7Mosha!!!
Leicester yafanya mazungumzo na aliyekuwa kocha wa Uingereza Roy Hodgson
Klabu ya Uingereza ya Leicester imefanya mazungumzo na aliyekuwa kocha
wa taifa la Uingereza Roy Hodgson kuhusu kurithi pengo lililoachwa na
Claudio Ranieri aliyepigwa kalamu.
Hatahivyo inadaiwa kuwa Roy ni miongoni mwa mameneja waliofanya majadiliano na wakuu wa timu hiyo.Na kaimu mkufunzi Craig Shakespeare huenda akaendelea kuifunza timu hiyo hadi mwisho wa msimu iwapo matokeo yataendelea kuimarika.
Ranieri alifutwa kazi mnamo tarehe 23 mwezi Februari ,miezi tisa baada ya kushinda taji la ligi na kikosi hicho.
Mechi ya kwanza chini ya usimamizi wa Shakespear ilitoa majibu ya ushindi wa 3-1 dhidi ya liverpool siku ya Jumatatu.
Beki Danny Simpson alisema kuwa Shakespeare “ni kocha mzuri sana”.
Wednesday, 1 March 2017
Uzinduzi wa uhamaji mtandao wa simu bila kubadilisha namba
Waziri wa Ujenzi, Uchukuzi na Mawasiliano, Prof.Makame Mbarawa Jumatano hii amezindua rasmi huduma ya kuhama kutoka mtandao mmoja wa simu kwenda mwingine bila kubadili namba ya simu ya kiganjani inayojulikana kitaalamu kama (Mobile Number Portability(MNP). Chini ni picha zaidi za uzinduzi huo.
Mamalaka ya Hali ya Hewa nchini (TMA) imewashauri wananchi na Mamlaka za Miji kuhakikisha kuwa mifumo na njia za kupitisha maji
Na : Mwandishi Wetu
Mamalaka ya Hali ya Hewa nchini
(TMA) imewashauri wananchi na Mamlaka za Miji kuhakikisha kuwa mifumo
na njia za kupitisha maji katika maeneo yao inafanyakazi kwa kiwango cha
kutosha ili kuepuka madhara yanayowezo kutokana na mvua za msimu
zinazotarajiwa kuanza Mwezi Machi.
Mkurugenzi Mkuu wa Mamalaka ya
Hali ya Hewa nchini (TMA) Dkt. Agnes Kijazi ametoa kauli hiyo leo jijini
Dar es salam wakati akizungumza na waandishi wa habari kuhusu mwelekeo
wa msimu wa mvua Tanzania katika kipindi cha mvua za masika kuanzia
Machi hadi Mei.
Amesema kuwa yapo maeneo ambayo
yatapata mvua za wastani na juu ya wastani na wengine chini ya wastani
ni vema wananchi wakachukua tahadhari ili kuepuka madhara mbalimbali
ambayo yanaweza kuwapata kutokana na mvua hizo.
Dkt. Kijazi ameongeza kuwa mvua
hizo zinaweza kusababisha maji kutuwama katika baadhi ya maeneo ya hivyo
kusababisha mafuriko ambayo yatapelekea kuzuka kwa magonjwa ya mlipuko
na uharibifu wa miundombinu mbalimbali ikiwemo mifumo ya maji na
barabara.
Aidha ,Mkurugenzi Mkuu amesema
kuwa hali ya unyevunyevu katika udongo inatarajiwa kuimarika kiasi cha
uzalishaji wa malisho ya mifugo na ukuaji wa mazao katika baadhi ya
maeneo kuongezeka .
Hata hivyo , Mkurugenzi Mkuu huyo
amewashauri wafugaji kuwa na mifugo ambayo inalingana na uwezo wa
malisho yaliyopo kulingana na ushauri wa Maafisa Mifugo.
Vile vile ameshauri wananchi
kuzingatia taratibu za uvunaji , uhifadhi na matumizi endelevu ya
rasilimali ya maji katika maeneo ambayo yatapata mvua za wastani na
chini ya wastani ili kuwa na hifadhi ya kutosha ya maji kwa ajili ya
matumizi ya baadaye wakati wa shida ya maji.
Dkt. Kijazi alimeyataja maeneo
ambayo yanatarajiwa kuwa mvua ya wastani na juu ya wastani kuwa ni
Dodoma, Singida, Kigoma, Tabora, Rukwa, Katavi, Mbeya na Iringa.
Maeneo ambayo yanatarajiwa kupata mvua za juu ya wastani ni njombe, Ruvuma, Lindi, Mtwara, na kusini mwa Morogoro.
Amesema kuwa ukanda wa Ziwa
Victoria na maeneo ya pwani ya Kaskazini mvua zinazoendelea kunyesha
zinatarajiwa kuungana na msimu wa Machi na kusambaa katika maeneo
mengine.
Donald Dombo Ngoma kuondoka Yanga
Mshambuliaji wa Yanga, Mzimbabwe Donald Dombo Ngoma amesema ataondoka katika klabu hiyo kukwepa mambo ya ovyo ya uongozi.
Ngoma amesema hayo wakati akizungumzia tuhuma dhidi yake juu ya
kutocheza mechi ya Ligi Kuu ya Vodacom Tanzania Bara dhidi ya Simba
Jumamosi, Yanga ikichapwa mabao 2-1 Uwanja wa Taifa, Dar es Salaam.
“Mimi na klabu tumefikia katika hatua ambayo nitachukua maamuzi muda si
mrefu nitakupa taarifa sahihi za kuondoka kwangu kutokana na mambo ya
ovyo ya viongozi wa klabu,”ameandika Ngoma katika akaunti yake ya
Instagram leo asubuhi.
Aidha, mchezaji huyo amesema kwamba mashabiki na wapenzi wa Yanga
wamekuwa wakimshutumu na kumtukana kutokana na taarifa zisizo za kweli
zinazosambazwa kwenye mitandao ya kijamii kuhusu yeye.
“Nimekuwa kimya wakati wote nikitukanwa juu ya sababu za kutocheza,
wakati ukweli ni kwamba mimi nina maumivu ya goti. Taarifa nyingi
zimekuwa zikisambazwa kwenye mitandao ya kijamii kwamba sitaki kucheza
kwa sababu ninataka kuondoka katika timu, nashangaa wapi wanapata hizo
taarifa,”amesema Ngoma.
Amesema Daktari ambaye Yanga walimtumia kumtibu yeye alikuwa ‘tapeli’ na ameilia fedha klabu bila kufanya kazi yoyote.
“Daktari alikula fedha za viongozi wa klabu na kuwadanganya kwamba
alikuwa ananitibu amenipeleka hospitali, wakati ukweli ni kwamba
nilikuwa ninatibiwa katika hospitali nyingine kwa gharama zangu
mwenyewe,”amesema Ngoma.
Namna ya kuhamia mtandao mwingine
Mobile Number Portability (MNP)
Ni Huduma ya kuhamia mtandao mwingine bila kubadili namba ya simu ya
kiganjani (MNP), ina maana kuwa mtumiaji anabaki na namba yake ya awali
iwapo ataamua kuhamia mtandao mwingine wa simu za kiganjani nchini
Tanzania. Huduma hii ya MNP itaanza rasmi tarehe
01 Machi 2017.
Huduma ya MNP ina faida zipi?
Ni Huduma ya kuhamia mtandao mwingine bila kubadili namba ya simu ya
kiganjani (MNP), ina maana kuwa mtumiaji anabaki na namba yake ya awali
iwapo ataamua kuhamia mtandao mwingine wa simu za kiganjani nchini
Tanzania. Huduma hii ya MNP itaanza rasmi tarehe
01 Machi 2017.
• Utaendelea kutumia namba yako ya awali unapohama kutoka mtoa huduma
mmoja kwenda mwingine na hivyo kufurahia uhuru na huduma za mtoa huduma
mpya.
• Utapokea simu na meseji bila kujali ni mtandao upi umehamia na bila
kuwa na haja ya kuwataarifu marafiki, familia na wafanyakazi wenzako au
washirika katika shughuli zako kwamba umebadilisha mtoa huduma wako.
• Utaokoa fedha kwa kuwa hutakuwa na haja ya kununua laini mpya kwa kila mtoa huduma au kuwa na simu ya kiganjani zaidi ya moja.
• Utaweza kuchagua mtoa huduma ambaye unaona
anatoa huduma bora zaidi, anakidhi matarajio yako na
ana ubunifu katika kutoa huduma.
Ni Nini Unatakiwa Kufanya Ili Kupata Huduma
Hii?
1. Nenda vituo vya mauzo au kwa wakala anayetambuliwa wa mtoa huduma unakotaka kuhamia na umueleze mhudumu kwamba ungependa
kuhama na namba yako.
2. Mhudumu atakutaka ujaze fomu maalum ya maombi (fomu moja).
3. Sehemu ya Fomu ya maombi ya kuhama ni tamko rasmi kwamba unakubali
kuwa utawajibika kwa madeni yoyote ambayo yanatokana na huduma ulizokuwa
unapata kutoka kwa mtoa huduma wako wa awali kama yapo.
Madaraja 8 mpakani mwa Tanzania na Malawi Yamevunjwa
Kamati ya ulinzi na usalama wilayani Ileje mkoani Songwe,imebaini na
kuyavunja madaraja 8 yaliyojengwa kinyemela kwa ajili ya kuvushia
magendo zikiwemo dawa za kulevya na wahamiaji haramu.
Kamati hiyo ya ulinzi na usalama chini ya mkuu wa wilaya ya Ileje,Joseph
Mkude ameongoza Opesheni hiyo kwa kuyavunja madaraja hayo nane
yaliyojengwa juu ya miti kwa ajili ya kuvusha magendo,dawa za kulevya na
wahamiaji haramu.
Kufuatia operesheni hiyo,kaimu mkuu wa polisi wilayani humo,Ntwale
Twale,amesema jeshi la polisi limekuwa likifanya doria pembezoni mwa
mpaka huo,na kufanikiwa kuwakamata waharifu wa makosa mbalimbali,huku
mkurugenzi mtendaji wa halmashauri hiyo Haji Mnasi akisikitishwa na
jinsi halmashauri inavyopoteza mapato kutokana na wafanyabiashara hao
kutumia njia za panya kuvusha bidhaa.
Ibada ya Jumatano ya Majivu
Rais wa Jamhuri ya Muungano wa Tanzania Dkt. John Pombe Magufuli akisali
katika Ibada ya Jumatano ya Majivu pamoja na Rais Mstaafu wa awamu ya
tatu Benjamini Wiliam Mkapa, Mke wa Waziri Mkuu Mama Mary Majaliwa na
Mke wake Mama Janeth Magufuli katika Kanisa Katoliki Parokia ya
Mtakatifu Petro lililopo Oysterbay jijini Dar es Salaam.
Rais wa Jamhuri ya Muungano wa Tanzania Dkt. John Pombe Magufuli akiwa
na Rais Mstaafu wa awamu ya tatu Benjamini Wiliam Mkapa wakiwatakia heri
ya Masista katika Ibada ya Jumatano ya Majivu iliyofanyika katika
Kanisa Katoliki Parokiya ya Mtakatifu Petro lililopo Oysterbay jijini
Dar es Salaam.
Paroko Msaidizi wa Kanisa la Mtakatifu Petro Father Asis akijiandaa
Kumpaka majivu kichwani Rais wa Jamhuri ya Muungano wa Tanzania Dkt.
John Pombe Magufuli katika Ibada ya Jumatano ya Majivu iliyofanyika
katika Kanisa Katoliki Parokiya ya Mtakatifu Petro lililopo Oysterbay
jijini Dar es Salaam.
Rais wa Jamhuri ya Muungano wa Tanzania Dkt. John Pombe Magufuli
akizungumza jambo na Rais Mstaafu wa awamu ya tatu Benjamini Wiliam
Mkapa mara baada ya Ibada hiyo ya jumatano ya Majivu iliyofanyika katika
Kanisa la Mtakatifu Petro Oysterbay jijini Dar es Salaam. PICHA NA
IKULU
Yanga, Ruvu Shooting kufa na kupona leo
Kikosi hicho kinachonolewa na kocha mkuu, Mzambia, George Lwandamina, kwa sasa kinashika nafasi ya pili kwenye msimamo wa Ligi Kuu Bara nyuma ya vinara Simba kwa tofauti ya pointi tano ambapo Simba inaongoza ikiwa nazo 54.
Ruvu inakutana na Yanga ikiwa inashika nafasi ya kumi, huku ikiwa na kumbukumbu ya kufungwa mchezo wa mzunguko wa kwanza kwa mabao 2-1. Akizungumza na Championi Jumatano, Lwandamina alisema baada ya kupoteza dhidi ya Simba, sasa macho yao yote wanayaelekeza kwa Ruvu.
“Lazima tukubali tumepoteza mchezo kwa sababu katika soka kuna matokeo ya aina tatu, kushinda, kufungwa na sare, sisi tumepata moja kati ya hayo ambayo si mazuri kwetu.
“Kilichobaki sasa ni kuangalia tunafanya nini kwenye mchezo ujao ambao huo ni lazima tushinde, inatulazimu kusaka ushindi ili kurudi kwenye mbio za ubingwa,” amesema Lwandamina.
Trump Amtuhumu Obama Kuhusika na Njama za Maandamano
Rais wa Marekani, Donald Trump amesema anaamini kuwa Rais
Mstaafu wa Nchi hiyo, Barack Obama ndiye anahusika na maandamano dhidi
ya uongozi wa Republican.
“Nafikiri Rais Obama anahusika kwa sababu ni watu wake wanaohusika kwenye maandamano hayo,” Trump alikiambia kituo cha Fox News.
Trump hakutoa ushahidi wowote kwa madai yake, waati huo Rais Obama bado hajajibu lolote kuhusu tuhuma hizo.
Trump pia alizungumzia bajeti na masuala mengine huku akieleza kuwa,
amepanga kuongeza bajeti kwa ajili ya Jeshi la Ulinzi la nchi hiyo.
Subscribe to:
Posts (Atom)