Eminem atoa mistari 11 ya matusi kwa Trump

Rais wa Marekani, Donald Trump amekumbana na mistari 11 ya matusi kutoka kwa rapa, Eminem ambaye ametoa wimbo maalumu aliouita Came to Stomp.
Eminem alighani mistari hiyo ya dakika 4.5 katika utoaji wa tuzo za muziki za BET zilizotolewa jana Jumanne nchini Marekani.
Hii si mara ya kwanza kwa Eminem kumkosoa Trump isipokuwa amekuja kivingine. Wakati wa uchaguzi mwaka jana, Eminem alighani mashairi ya kuwatusi mashabiki wa Trump lakini sasa amekwenda hatua moja akimwita ‘Babu Mbaguzi’ na majina mengine ambayo ni matusi ya nguoni.
Katika moja ya mashairi yake anasema Trump ni mbaguzi na mchokozi ambaye anaweza kuanzisha vita ya nyuklia lakini akakimbilia juu na ndege yake mpaka mabomu yatakaposimama kurushwa.
“Ni askari ambaye ataanzisha vita lakini atajaza mafuta katika ndege na kukimbilia anga la juu akiwaacha watu wakifa,” anaghani Eminem.
Katika mstari mwingine anamtusi Trump kwa kupenda kushindana na watu wanaompinga kwa mabishano katika mtandao wa Twitter na kuwapuuza wananchi wanaoteseka baada ya maeno mbalimbali ya nchi hiyo kukumbwa na kimbunga.

Ne-Yo, Diamond Platnumz kupanda Jukwaa moja Uingereza

Msanii wa muziki wa Pop na RnB kutoka Marekani, Neyo  amemjumuisha Msanii kutoka Tanzania   Diamond Platnumz kwenye ziara yake ya kimuziki nchini Uingereza.
Orodha ya miji na kumbi atakazotumbuiza Ne-Yo na Diamond Platnumz kwenye ziara yake nchini Uingereza
Ne-Yo amethibitisha hilo na kutoa ratiba yake kamili ya Tour yake ambayo iliahirishwa mara mbili, mwishoni mwa mwaka jana na mwezi Machi mwaka huu baada ya kutokea mashambulizi ya kigaidi jijini Manchester nchini Uingereza.
Tour hiyo itaanza tarehe 13 hadi 23 Septemba mwaka huu na atatumbuiza miji nane nchini humo kote akiwa na Diamond Platnumz.
Hii inakuwa ni ziara kubwa ya kwanza kwa Diamond Platnumz kupewa shavu la kutumbuiza kwenye tour ya Msanii mkubwa duniani, hivyo watanzania tusubiri neema kwenye muziki wetu itakayopatikana baada ya ziara hiyo iliyopokelewa kwa mikono miwili na Waingereza.

Tuzo za AFRIMA 2017

Ni taarifa nzuri kwa muziki wa Tanzania baada ya Waandaaji wa All African Music Awards ‘AFRIMA’ wametangaza list ya wasanii wanaowania tuzo katika vipengele mbalimbali kwa mwaka 2017 ambazo hujumuisha Mastaa kibao katika tasnia ya muziki wa Afrika November 10-12, 2017.
Kuna jumla ya wanamuziki 33 waliotajwa kuwania tuzo mbalimbali lakini wamegawanywa katika Kanda Tano ambazo ni Afrika ya Kati, Afrika Mashariki, Afrika Kusini, Afrika Kaskazini na Afrika Magharibi huku pia kukiwa na tuzo zinazojumuisha Afrika nzima.
Muziki wa Bongofleva haujaachwa kwenye list hiyo ambapo mastaa kutoka Tanzania Diamond Platnumz, Alikiba, Darassa, Lady Jay Dee, Vanessa Mdee, Nandy, Feza, Msafiri Zawose na Topher Jaxx.

Best Female Artiste Eastern Africa
Artiste Track Country
Chess Nthussi Give it to you Kenya
Feza Walete Tanzania
Juliana Kanyomozi I am Still Here Uganda
Lady Jaydee Sawa Na Wao Tanzania
Nandy One Day Tanzania
Vanessa Mdee Cash Madame Tanzania
Victoria Kimani Giving You ft Sarkodie Kenya
Wayna Wondwossen You are not alone Ethiopia

Best Male Artist, Eastern Africa
Artiste Track Country
Alikiba Aje ft M.I Tanzania
Diamond Platinumz Eneka Tanzania
Eddy Kenzo Shauri Yako Uganda
Henok & Mehari Brothers Fikir Yishala Ethopia
Kibrom Birhane Eskista ft Nassmbu Barasa Ethiopia
Mura K.E Excuse my Language Kenya
Octopizzo TBT Kenya
Sinishaw Legesse Selam Ethopia Ethiopia
Qritiqual Malika Kenya

Best Artist or Group in African Contemporary.
Artiste Track Country
Adekunle Gold My Life Nigeria
Alikiba Aje (Ft M.I.) Tanzania
Anselmo Ralph Por Favor DJ Angola
Busiswa Ingqondo South Africa
Ferre Gola Kipelekiese DRC
Oumou Sangare Yere Faga ft Tony Allen Mali
P-Square Bank Alert Nigeria
Soul Bangs Fare Bombo Mbai Guinea
Wande Coal Iskaba ft Dj Tunez Nigeria
Werrason Diemba DRC

Best African Collaboration.
Artiste Track Country
Alikiba Aje (Ft M.I.) Tanzania (Nigeria)
Becca Na Wash (ft Patoranking) Ghana (Nigeria)
C4 Pedro Love Again (Ft Sauti Sol) Angola (Kenya)
Davido Coolest Kid in Africa (ft Nasty C) Nigeria (South Africa)
Fuse ODG Diary (Ft Tiwa Savage) Ghana (Nigeria)
Jah Prayzah Watora Mari (ft Diamond Platnumz) Zimbabwe (Tanzania)
Locko Supporter (ft Mr Leo) Cameroon (Cameroon)
Oumou Sangare Yere Faga (Ft Tony Allen) Mali (Nigeria)
R2Bees Tonight (ft Wizkid) Ghana (Nigeria)
Zeynab Noctambule (ft Shado Chris) Benin (Cote d’Ivoire)

Best Artist or Group in African RnB & Soul.
Artiste Track Country
Ali Kiba Aje (Ft M.I.) Tanzania
Anselmo Ralph Ensina-me a Amar Angola
C4 Pedro Love Again (Ft Sauti Sol) Angola
Degg J Force 3 Akolon Guinea
Diamond Platnumz Marry You (Ft Neyo) Tanzania
Mimie Dance Fi You Cameroon
Nozipho Ang’kakaze Ngizizwe Nje South Africa
Topher Jaxx I Want You Tanzania
Victoria Kimani Giving You (ft Sakordie) Kenya

Kupitia ukurasa wake wa Instagram Diamond ameandika haya

Muda mfupi baada ya mwimbaji staa Alikiba kuachia video ya wimbo wake mpya ‘Seduce Me’ leo August 25, 2017, staa mwingine wa Bongofleva kutokea WCB, Diamond Platnumz amepost picha kwenye Instagram.
Diamond amepost picha ya mtu akicheka kitu kilichowafanya mashabiki kuunganisha matukio wakidai huwenda picha hiyo ni ujumbe baada ya kuusikia wimbo wa Alikiba.

Msanii Jaguar ashinda Ubunge

 
Msanii Charles Njagua maarufu kama Jaguar ambaye ameshinda kiti cha ubunge katika jimbo la Starehe nchini Kenya kufuatia uchaguzi mkuu ambao bado unaendelea, amewarudia wananchi na kuwashukuru.
Kupitia ukurasa wake wa Instagram Jaguar ameandika maneno akisema kuwa bila wao asingefanikisha hilo, huku akiwashukuru wapinzani wake kwa kukubali ushindi wake huo.
"Hakuna linalowezekana bila Mungu, Nawashukuru watu wa Starehe kwa ujasiiri na kuniamini kuwawakilisha bungeni, nawashukuru wote walioniunga mkono , marafiki, familia ambao walikuwa nami wakati wa kampeni.
Na Pia nampongeza mpinzani wangu Steve Mbogo, Boniface Mwangi na Mh. Kwenya ambao waliweka kampeni safi. Huu sio ushindi wa Starehe tu bali ni ushindi wa vijana wote nchini Kenya ambao wameona mbele, sasa tuijenge Starehe ile tunayoitaka, Mungu awabariki", aliandika Jaguar.
Jaguar ameibuka mshindi wa Jimbo hilo kwa asilimia 53% ya kura zote, huku akifuatiwa na Steve Ndwiga  aliyepata asilimia 31% na Boniface Mwangi akipata aliyepata asilimia 13%.

Gari la Justin Bieber lamgonga mpiga picha

Gari la Justin Bieber lilimgonga mtu
Justin Bieber amehusika katika ajali iliofanyika eneo la Beverly Hills, maafisa wa polisi wamethibitisha kwa BBC.
Kanda ya video imeonyesha mwanamuziki huyo akimgonga mtu aliekuwa akitembea kwa miguu baada ya kutoka katika ibada ndani ya kanisa moja mjini Los Angeles siku ya Jumatano.
Idara ya polisi mjini Beverly Hills imesema kuwa gari hilo lilikuwa likiendeshwa kwa mwendo wa polepole wakati wa ajali hiyo.
Maafisa wa polisi wa eneo la Beverly Hills waliwasili katika eneo la ajali hiyo na kumpata mwanamume mmoja ambaye alikuwa amelala chini.
Alisafirishwa hadi hospitalini bila majeraha hatari.
Bieber alisalia katika eneo hilo la ajali kushirikiana na maafisa wa polisi na baadaye akaachiliwa.

Justine Bieber afuta matamasha yake bila kutoa sababu

Mwanamuziki wa mtindo wa Pop Justine Bieber amefutilia mbali safari yake ya kikazi katika miji iliyo tajwa kufanyka mjini Los angeles nchini Marekani bila kutoa sababau yoyote ya kufikia maamuzi hayo

Tamasha lilofutwa lita athiri ratiba ya matamasha ambayo yangefanyika terehe 14 Amerika ya kaskazini na tarehe 10 mwezi oktoba barani Asia na ianelezwa wazi kwamba sasa gharama za kiingilio zitarejeshwa kwa mashabiki wake.

Taarifa iliyo tolewa na uongozi wa masanii huyo ina sema Bieber anawapenda mashabiki wake na hapendi kuwakwaza na akatumia fursa hiyo kutoa shukuruni zake kutokana na uhusiano mzuri ambao umekuwapo baina yake, uongozi na wasaidizi wake kwenye matamasha zaidi ya 150 katika mabara 6 tofauti.

Hatua hii inakuja baada ya kutafakari kwa kina msanii huyo nyota wa pop ameamua hataimba tena kwenye matamasha yaliyo salia ,Bieber mwenye miaka 23 hajatoa kauli yoyote wala kuandika chochote kwenye kurasa zake za mitandao ya kijamii

Mtandao wa celebrity news ulikinukuu chanzo kimoja na kuarifu kuwa mwanamuziki huyo raia wa Canada amefutilia mbali matamasha yaliyo salia sababu bila za msingi

Mwishoni mwa juma msanii huyo alipigwa picha akitembea mlimani na mjini Los angeles akiwa na na binti mdogo ambaye walionekana kuwa na mahusiano mazuri

Justine Bieber alianza mkururu huu wa matamasha kwa nguvu kubwa ya albamu yake ya "purpose" aliyoitoa mwezi march mwaka 2016 na tayari ametumbuza matamasha zaidi ya 150 kwenye bara la Ulaya, Afrika, Amerika ya Kusini, Australia na maeneo ya bara Asia

Hatua hii ya Bieber inakuja siku kadhaa baada ya msanii huyo kukatazwa kufanya matamasha nchini China sababu ya tabia mbaya kama ilivyo arifiwa na mamlaka mjini Beijing

Flora Mbasha na Emmanuel Mbasha wameleta Gumzo mtandaoni

 
Aliyekuwa mume wa Flora Mbasha ‘Madam Flora’ ambaye pia ni mzazi mwenziye, Emmanuel Mbasha ameibuka gumzo mitandaoni baada ya kuandika ujumbe wa ghadhabu unaodaiwa kuwa huenda ni dhidi ya mtalaka wake.
Mbasha aliandika ujumbe huo kama majibu, baada ya hivi karibuni kusambaa kwa taarifa ambazo si za kweli zilizodai kuwa Flora alifanya mahojiano na kituo kimoja cha redio na kutoa maneno ya kashfa dhidi ya Mbasha, akisema uvivu wake kitandani ndiyo chanzo cha kuvunjika kwa ndoa yao, ambapo Flora alikanusha vikali taarifa hizo kupitia ukurasa wake wa Instagram.

Flora Mbasha ‘Madam Flora’.

Baada ya taarifa hizi kutua mezani kwa Emmanuel, alipiga kimya kwa muda kutokana na kuwa bize na msiba wa bibi yake, lakini baada ya mazishi, akaingia kwenye mahakama ya mastaa , Instagram na kuandika ujumbe huu.
“Sipendi ujinga kabisa kwani hamuwezi kuuza hicho kidaftari chenu mpaka mtafute kiki kwangu?, acheni hizo mnaniingiza kwenye upumbavu wenu ili mkiuze hicho kidaftari chenu, Mbona wengine wanauza vyao kwa utaratibu mzuri, sipendi kabisa mie naingiaje kwenye hizo ishu za huyo mwanamke miaka zaidi ya 3 siko nae, na ni mke wa mtu na wewe hembu tulia na mmeo huko tena ukome kunitajataja.
Huoni hata haya eti unakiita kidaftari jina langu si uite la mumeo huyo, kunitajataja tu, taja jina la huyo bwana ako sijui nani vile! asinihusishe, usinihusishe Mnikome mbona mie siwafatili na bwana ako kwa lolote lile, kila mtu apambane na hali yake, pambana na hali yako,” alisema Mbasha.
Alichokiandika Mbasha;

Mama mzazi wa Zari afariki Dunia

Mama mzazi wa Zarina Hassan ‘Zari The Boss Lady’, Halima Hassan amefariki dunia asubuhi hii, baada ya kuugua kwa wiki kadhaa na kulazwa hospitali.

Zari ambaye ni mpenzi wa mwanamuziki Diamond Platinums, amethibitisha kifo cha mama yake kupitia ukurasa wake wa Instagram, na haya ndiyo ameyaandika;  

  baada ya kudaiwa kupumulia mashine ya oksijeni kwenye Kitengo cha Wagonjwa Mahututi (ICU) katika Hospitali ya Nakasero iliyopo nchini Uganda akisumbuliwa na maradhi ya moyo na figo ambayo yamekuwa yakimsumbua tangu kufariki kwa mkwe wake, Ivan Ssemwanga.

Kwa mujibu wa chanzo ndani ya familia hiyo, mama Zari alipata matatizo ya moyo na figo baada ya kuanguka ghafla na kichwa chake kujigonga, hali iliyosababisha akimbizwe hospitalini haraka.

Usher Raymond atembelea mbuga ya Serengeti

Usher Raymond

Msanii wa Marekani Usher Raymond yuko ziarani nchini Tanzania akitembelea eneo la uhifadhi wa wanyama pori la Serengti National Park.
Bwana Raymond alichapisha baadhi ya picha akiwa na familia yake katika akaunti yake ya Twitter.
Alielezea hali ilivyo katika eneo hilo kama ya kufurahisha .
Ripoti za Usher Raymond kuzuru Tanzania zilisambaa kwa haraka nchini humo.
Watu wengine maarufu akiwemo mchezaji wa zamani wa Manchester United na Real Madrid David Becham, aliyekuwa mchezaji wa Liverpool Mamadou Sakho, mchezaji wa Everton Morgan
Schneiderlin ni miongoni mwa wale waliozuri katika sehemu mbali mbali za kitalii nchini humo mwaka huu.

Linex Sunday:Siwezi kuyapa nafasi tena mapenzi ya mtandaoni

Msanii Linex Sunday Mjeda

Msanii wa bongo fleva mwenye hit song ya 'Got Me' Linex Sunday Mjeda amefunguka kwa kudai hawezi kuyapa nafasi tena mapenzi ya mtandaoni kwa kile anachokiona kwa upande wake kama kupoteza mashabiki wa muziki.
Linex ameeleza hayo baada ya kupata mtoto wa kiume aliyepewa jina la Jaheim jambo ambalo liliwashangaza wengi kutokana na msanii huyo kutowahi kumuonesha mwanamke ambaye amemzalia mtoto huyo kipindi alipokuwa mjamzito.
"Sikutaka kuweka 'tension' labda watu waone nina mtu mjamzito na nini sikutaka hivyo, hata hivyo nilikuwa sipendi kumuonesha mtoto wangu ila nimelazimishwa sana na watu ndiyo maana nikamuweka ili nisije kuonekana nilikuwa nina nia mbaya", amesema Linex
Pamoja na hayo, Linex aliendelea kwa kusema "Kuna vitu vya kujiuliza unajua kuna mashabiki wanaona kwamba leo umekuwa na mtu fulani kesho unatoka na fulani sidhani kama inajenga picha nzuri halafu pia mapenzi ya 'Publicity' siyo kitu poa na ndiyo maana mimi sasa hivi katika vitu ambavyo siwezi kuvifanya ni ku-date na staa yaani siwezi kudate na mtu yeyote ambaye labda ana umaarufu katika 'social network' hizo 'deal' sitaki kabisa, nataka kuishi 'normal life'", amesisitiza Linex.

Yemi Alade aikubali Nyimbo ya Diamond

Eneka ni moja kati ya nyimbo ambazo Diamond ameziachia kwa kushtukiza na mapokezi yake yameonekana kuwa makubwa tofauti na alivyotarajia. Miongoni mwa walioonekana kuikubali ngoma hiyo ni Yemi Alade.

Kitendo cha Diamond kutumia baadhi ya maneno ya lugha ya nchini Nigeria ndio kimeonekana kumfanya Yemi kuupenda zaidi wimbo huo.

Muimbaji huyo kutoka huko Nigeria, ameshindwa kuzuia hisia zake kwa wimbo huo baada ya kucomment kwenye moja ya video ambayo Diamond ameiweka kwenye mtandao wa Instagram. “Omg !you are singing in IGBO 💃💃 @diamondplatnumz,” ameandika Yemi Alade.

Shaaban Dede amefariki Dunia

 
Mwanamuziki mkongwe Shaaban Dede amefariki dunia leo saa mbili asubuhi katika hospitali ya Taifa ya Muhimbili alikokuwa amelazwa kwa matibabu kwa takriban wiki mbili, mwanae Hamad Dede amethibitisha.
Hamad Dede amesema mipango ya mazishi inafanyika nyumbani kwa marehemu Mbagala jijini Dar es salaam, na kwamba ratiba na taratibu zote zitatangazwa mara zitapokamilika kupangwa.
Marehemu Dede atakumbukwa kama mmoja wa wanamuziki nguli kutokea nchini Tanzania kwa sauti yake tamu na utunzi wa nyimbo mbalimbali zilizoshika chati akiwa na bendi mbalimbali zikiwemo Tabora Jazz, Bima Lee, Mlimani Park na Mondo Ngoma ambako alikuwa anatumikia hadi mauti yanamkuta.

Jay z akiri tuhuma zinazomkabili Mama yake

Mwanamuziki wa mtindo wa Rap JAY-Z

Msanii wa muziki wa Rap JAY-Z ameonekana kuthibitisha kuwa mamake ni mpenzi wa jinsia moja
Kulingana na maneno ya wimbo wa albamu yake 4:44, msanii huyo alisema:Mama alikuwa na watoto wanne lakini ni mpenzi wa jinsia moja licha ya kujifanya kuwa muigizaji.
Haijalishi kwangu iwapo ni mume ama mke nataka kukuona ukifurahi baada ya chuki zote.
Mapema katika kipindi chake chote cha kazi ya muziki JAY-Z aliandika nyimbo zilizokuwa na maneno ya watu wa mapenzi ya jinsia moja lakini akawacha kurekodi nyimbo zenye maneno hayo
Maneno hayo ya muziki yapo katika wimbo unaoitwa Smile ambao pia unashirikisha picha ya mamake Gloria Carter akisoma shairi.
Ni nani ambaye JAY- Z hakumshukuru baada ya kupata tuzo yake ya hivi karibuni?
Kutokana na uwepo wake katika wimbo huo ,inaonekana kwamba alijua kuhusu mpango wa mwanawe kuzungumzia kuhusu jinsia yake.

Multichoice Tanzania Yasaidia Watoto Yatima

Meneja Uendeshaji wa Multichoice Tanzania Baraka Shelukindo akikabidhi mashuka kwa Mlezi wa kituo cha kulelea watoto yatima cha Al-Madinnah kilichopo Tandale jijini Dar es Salaam Kuruthum Juma (wa pili kulia). Wa pili Kushoto ni Malkia wa Taarabu Hadija Kopa na kulia ni  Muigizaji maarufu wa tamthilia ya Huba Riyama Ali ambao ni mabalozi maalum wa DStv. Hafla hiyo iliyofanyika mapema leo katika kituo hicho ambapo vifaa mbalimbali vyenye thamani ya shilingi milioni mbili vikiwemo vyakula, mashuka, vyombo na mitungi ya kuzimia moto vilikabidhiwa

Watoto wa kituo cha kulelea watoto yatima cha Almadinnah kilichopo Tandale wakipokea vyombo kutoka kwa Meneja Uendeshaji wa Multichoice Tanzania Baraka Shelukindo baada ya kupokea msaada wa vyakula na vifaa mbalimbali kutoka kampuni hiyo jana.

Mshonaji katika mradi wa ushonaji wa kituo cha kulelea watoto yatima cha Al-Madinnah cha Tandale jijini Dar es Salaam Aziza Amri (wa pili kulia) akitoa maelezo kuhusu mradi huo unaofadhiliwa na kampuni ya Multichoice Tanzania. Kutoka kushoto ni Malkia wa mipasho Hadija Kopa ambaye ni balozi maalum wa DStv, BiKuruthum Juma ambaye ni mkuu wa kituo hicho, Baraka Shelukindo Meneja Uendeshaji wa Multichoice Tanzania na kulia ni Muigizaji maarufu wa tamthilia ya Huba Riyama Ali. Mbali na kutembelea mradi huo, Multichoice pia ilikabidhi vyakula na vifaa mbalimbali vyenye thamani ya shilingi milioni mbili kwa kituo hicho

Kampuni ya Multichoice Tanzania imetoa zawadi ya sikukuu ya Idi kwa kituo cha kulelea watoto yatima cha Al-Madinnah kilichopo Tandale jijini Dar es Salaam. Msaada huo wa vyakula na vifaa mbalimbali umekabidhiwa kwa kituo hicho na Meneja Uendeshaji wa Multichoice Tanzania  Baraka Shelukindo katika hafla fupi iliyofanyika kituoni hapo ambayo pia ilihudhuriwa na mabalozi kadhaa wa DStv akiwemo malkia wa Taarab Khadija Kopa na muigizaji maarufu wa filamu na Tamhtilia ya HUBA ,  Riyama Alli.

Akizungumza wakati wa kukabidhi zawadi hizo, Shelukindo amesema kwa takriban miaka mitano mfululizo Multichoice imekuwa ikikisaidia kituo hicho kwa mambo mbalimbali.  Amesema wanafanya hivyo kwa kutambua kuwa malezi ya watoto waishio katika mazingira magumu ni jukumu la kila mtu na kila taasisi. “Tunatambua kuwa jukumu la kuwalea watoto kama hawa ambao kwa sababu moja ama nyingine wamejikuta katika mazingira magumu ni letu sote. Hawa ni ndugu zetu, watoto wetu, na pia ni tegemeo kubwa kwa taifa letu, hivyo kuwasaidia ni jukumu letu”

Amesema mbali na kwamba Multichoice imekuwa ikikisaidia kituo hicho mara kwa mara kwa kuwapa vyakula na mahitaji mengine, lakini pia waliamua kufadhili uanzishwaji wa mradi wa ushonaji ambao unakisaidia kituo hicho katika kujiingizia kipato. “Tunajua kuwa chakula, malazi na mambo mengineyo ni muhimu kwa maisha ya kila siku ya vijana wetu, lakini pia tuliona ni busara kuwawekea kamradi japo kadogo ambako wataweza kujipatia kipato. Tumefurahi sana kuona mradi huu unaendelea na tunaamini kuwa  wataweza kuuendeleza na kuukuza ili uwasaidia Zaidi.” Alisema Shelukindo.

Kwa upande wake Mkuu wa kituo hicho Mama Kuruthum Juma ameishukuru Multichoice Tanzania  kwa msaada wao wa mara kwa mara kwa miaka mingi sasa. Amesema kitendo cha Multichoice Tanzania kukisaidia kitua hicho kwa mambo mbalimbali hususan mradi wa ushonaji kumewasaidia sana katika kujipatia kipata japo kusaidia gharama za uendeshaji kituo hicho ambazo ni kubwa. “Kwa kweli gharama za uendeshaji kituo ni kubwa sana na kama mnavyofahamu watoto wanaolelewa hapa hawana uwezo na wengi wao hawana wazazi, hivyo ni jukumu letu kuwalea, kuwapa matibabu, na pia kuwasomesha, hili kwa kweli ni jukumu kubwa na tunahitaji msaada kutoka kwa wadau mbalimbali” alisema Mama Kuruthum

Amesema idadi ya watoto imekuwa ikiongezeka lakini kituo hakina uwezo mkubwa kutokana na ufinyu wa eneo na bajeti hivyo akawaomba wadau wengine kuangalia uwezekano wa kukisaidia kituo hicho ili kiweze kuhudumia watoto wengi Zaidi.

Naye Malkia wa Taarabu – Khadija Kopa amesema amefarijika sana kuona Multichoice Tanzania inawajali watoto hususan wale waishio katika mazingira magumu ambao aghalabu husahaulika na jamii. “Kwakweli Multichoice Tanzania  wamefanya jambo la maana sana. Ni vyema tukaunganisha nguvu zetu kuwalea hawa watoto wetu kwani nao wana haki kama watoto wengine” alisema Kopa.

Naye muigizaji Riyama Ali amepongeza jitihada zinazofanywa na Multichoice Tanzania  pamoja na uongozi wa kituo cha Almadinna katika kuwasaidia watoto hao. “Watoto hawa ni hazina ya taifa. Tukiwasaidia hawa wakakua vizuri, wakapata elimu nzuri, kesho na keshokutwa tutapata wabunge humu, mawaziri, wakurugenzi, wanamichezo, wasanii na kadhalika. Tushirikiane kuwalea na hili ni jukumu letu sote na ni kitu kinacholeta Baraka” alisema Riyama.

Wasanii:Wanasiasa wanachangia kuiporomosha tasnia ya muziki

  Wasanii walioto changia mada katika Kongamano la tisa la Kigoda cha Mwalimu Nyerere leo Alhamisi, wamesema wanasiasa ndiyo wanaoshiriki kubadilisha lengo na mwelekeo halisi wa sanaa ya Afrika.
Wasanii waliopata nafasi ya kutoa mchango wao katika kongamano hilo ni John Kitime, Carola Kinasha, Niki wa Pili na FID Q.
Nay wa Mitego naye alikuwa miongoni mwa wazungumzaji hao, lakini mpaka sasa bado hajawasili kwenye ukumbi wa Nkurumah katika Chuo Kikuu cha Dar es Salaam lipofanyika kongamano hilo.
Akizungumza katika kongamano hilo  lililoendelea kwa siku ya tatu mfululizo leo, msanii Niki wa Pili ambaye amesema wasanii wanatumiwa na wanasiasa kwa propaganda za kisiasa bila kujali kuwa dhima ya sanaa ni ukombozi.
Naye Fid Q amesema wasanii hushiriki katika kampeni kwa ajili ya kujipatia fedha.
 "Fedha zenyewe ni nyingi kweli zina uwezo wa kutatua baadhi ya changamoto zinazozungumzwa katika majukwaa hayo,” amesema.

Mionekana ya Watu maarufu katika kipindi hiki cha Mwezi Mtukufu

Batuli

 Huu ni mwezi Mtukufu wa Ramadhan, waislamu wote duniani wapo katika mfungo, hapa tumekusogezea picha za muonekano wa mastaa 11 wa Bongo.

 Mr Blue na familia yake

 Nisha

 Jay Moe

 Riyama Ally

Shamsa Ford

 Tunda Man

 Faiza Ally na mwanae

Shetta

 Ommy Dimpoz

Nuh Mziwanda

Matajiri Walivyomiminika na Magari ya Bei Mbaya kmzika Ivan wa Zari

  watu wengi walikuwa wakiomboleza kifo cha Ivan Semwanga, matajiri wakubwa na watu maarufu katika jiji la Kampala, waliitumia fursa hiyo kujitokeza na kuonyesha magari yao ya bei mbaya.

Wakati ibada ya mazishi ya Ssemwanga iliyofanyika katika Kanisa la Mtakatifu Paul la Namirembe mchana huu, matajiri wengi walijitokeza katika msururu mrefu ambao ulisababisha msongamano wa magari katika barabara ya Namirembe.

Pamoja na magari hayo kuwa ya bei kubwa, mengi yalikuwa na majina ya wamiliki wake badala ya namba za usajili na hivyo kuwa kivutio kikubwa kwa watu waliohudhuria mazishi hayo.

Matajiri maarufu kama Jack Pemba, Lwasa, Mugisha na  mwanamuziki  Bebe Cool, walikuwa miongoni mwa watu maarufu waliohudhuria ibada hiyo.

Ivan Semwanga alifariki katika Hospitali ya Biko Academy nchini Afrika Kusini, Alhamisi wiki iliyopita kutokana na ugonjwa wa moyo na anazikwa leo nyumbani kwao Kayunga.

Msiba wa Dogo Mfaume

Kufuatia kifo cha aliyekuwa Msanii wa Bongo Fleva, Mfaume Selemani ‘Dogo Mfaume’, aliyetamba zaidi na wimbo wake wa Kazi ya Dukani kufariki dunia juzi Mei 17, 2017, mwili wa marehemu unatarajiwa kuzikwa leo .

Waombolezaji wakiwa msibani nyumbani kwao na marehemu Dogo Mfaume.

Dogo Mfaume alikuwa Sober House (alikuwa akipata matibabu ya Matumizi ya Madawa ya Kulevya).