Maonesho ya Sikukuu ya Wakulima

Baadhi ya wanafunzi wakiwa wanaonja asali ili  kuwawezesha kutambua asali   bora mara baada ya kutembelea banda la Wizara ya Maliasili  na Utalii katika maonesho  ya Siku ya Wakulima yanayofanyika  kwenye viwanja Ngongo  mkoani Lindi

Afisa Misitu, Kekilia Kabalimu  akitoa  maelezo kwa wananchi   waliotembelea Banda la Wizara ya Maliasili na Utalii kwenye maonesho ya Siku ya Wakulima yanayofanyika katika viwanja vya Ngongo mkoani Lindi.

Meneja wa Mawasiliano wa Wakala wa Huduma za Misitu Tanzania (TFS) Glory Mziray akisisitiza jambo kwa   wananchi   waliotembelea Banda la Wizara ya Maliasili na Utalii kwenye maonesho ya Siku ya Wakulima yanayofanyika katika viwanja vya Ngongo mkoani Lindi

Baadhi ya wanachi wakipewa maelezo  katika bustani ya miti mara  waliotembelea Banda la Wizara ya Maliasili na Utalii kwenye maonesho ya Siku ya Wakulima yanayofanyika katika viwanja vya  Ngongo mkoani Lindi

Meneja wa Mawasiliano wa Wakala wa Huduma za Misitu Tanzania (TFS) Glory Mziray akisisitiza jambo kwa   wananchi   waliotembelea Banda la Wizara ya Maliasili na Utalii kwenye maonesho ya Siku ya Wakulima yanayofanyika katika viwanja vya Ngongo mkoani Lindi

Baadhi ya wanachi wakipewa maelezo  ya utaratibu wa kusafirisha vinyago kwenda nchi za nje waliotembelea Banda la Wizara ya Maliasili na Utalii kwenye maonesho ya Siku ya Wakulima yanayofanyika katika viwanja vya Ngongo  mkoani Lindi

Faida za kula Papai

 
Asili ya mpapai ni Amerika ya Kati, ambapo kuanzia matunda, majani na utomvu wa mmea huu hutumiwa kama dawa maeneo mbalimbali duniani. Vile vile, matunda na utomvu wake yamekuwa yakitumika kutengeneza pombe na mvinyo katika baadhi ya nchi, huku wengine wakitumia mpapai kama dawa kwa mifugo na binadamu.
Inaelezwa kuwapo na tafiti zilizowahi kufanyika na kuchapishwa katika jarida lijulikanalo kwa jina la ‘Archieve’ la nchini India mnamo Oktoba 27 mwaka 2010, ambapo jarida hilo lilieleza kwamba juisi ya majani ya mpapai iliweza kusaidia wagonjwa watano waliowahi kupata homa ya dengue.

Mbali na utafiti huo, pia kuna tafiti zilizowahi kufanywa na madaktari wa nchini Marekani na Japani na kubaini kuwa, juisi ya majani ya mpapai ina uwezo wa kutibu malaria na saratani, japokuwa tafiti hizo hazikukubawaliwa kisayansi.
Faida za kiafya za tunda la papai
Aidha, wataalam wa lishe nao wanaeleza kwamba, watu wenye matatizo ya kupatwa na majipu, uvimbe na vidonda mara kwa mara huwa na upungufu wa virutubisho muhimu, ambavyo huweza kupatikana ndani ya papai, hivyo imegundulika watu wenye matatizo hayo wakitumia papai hupata nafuu na kupona haraka.
Pia papai husaidia kuleta nuru ya macho, kama inavyoaminika kwa karoti, hali kadhalika papai pia husaidia kupunguza madhara yatokanayo na moshi wa sigara.
Hivyo wavutaji wa sigara ni vyema wakatumia tunda hili mara kwa mara ili kujipunguzia madhara ya moshi wa sigara, ingawaje ni vyema wakakumbuka matumizi ya sigara si mazuri kwa afya hivyo ikibidi ni vizuri kuacha kabisa.
Ni wazi kuwa papai ni tunda lililosheheni kila aina ya utajiri wa vitamin kuliko matunda mengine, kwani lina vitamin A, B, C, D na E.
Wataalam wa tiba za asilia pia wanaeleza kwamba tunda hili linauwezo wa kutibu tatizo la usagaji wa chakula tumboni pia hutibu kisukari na pumu na mara nyingine hata kifua kikuu.
Tunda la papai lina faida nyingi sana kwa afya ya mwanadamu. Miongoni mwa faida hizo ni pamoja na kuwa na uwezo wa:

Kilimo cha Matango

ni zao linalopendelea hali ya hewa ya joto na husitawi vema kati ya nyuzi joto 18°C hadi 35°C
Udongo Hustawi vizuri katika udongo tifutifu wenye rutuba usiotuamisha maji
Maandalizi ya shamba Lima shamba kwa trekta, kwa ng’ombe ama kwa jembe la mkono kwa kina cha sentimita 30 hadi 45
Weka matuta ya mwinuko yenye upana wa mita 1 hadi 1.5 kutoka kati ya tuta na tuta
Upandaji Zipo aina mbili za upandaji,

1.ya kwanza ni ile ya kupanda mbegu moja kwa moja na
2. ya pili ni ile ya kupanda mbegu katika trei na kuhamisha baada ya siku 8 hadi 10.
Njia ya kupanda mbegu moja kwa moja ni rahisi lakini ile ya kupanda katika trei ni bora zaidi kwani shamba hujaa vizuri katika nafasi na hukua haraka na kuzaa mavuno mengi.

Pima mashimo ya kupandia katika umbali wa sentimita 20 hadi 25 kutoka shina hadi shina mstari mmoja kwa tuta na sentimita 40 katika mfumo wa zig-zag pande zote mbili za tuta na kupanda
Mbolea kianzio iwekwe katika kila shimo na kupanda endapo miche kutoka katika trei itatumika Hakikisha shamba lina unyevu wa kutosha kabla ya kupanda.

Palizi Palilia shamba mara kwa mara ili kuhakikisha shamba halina magugu Magugu hudhibitiwa kwa palizi ya jembe, kung’oa kwa mkono ama matumizi ya viuagugu.
Njia nyingine ni matumizi ya plastiki maalum kuzuia magugu yaani ‘plastic mulch’
Mbolea Tumia mbolea ya DAP wakati wa kupanda na kisha tumia NPK yenye uwiano mmoja kama, 18:18:18, 17:17:17 ama 16:16:16 baada ya wiki tatu toka Usegekaji.
Tumia nguzo za unene wa inchi 2 na kamba ili kuinua mimea na matunda yasiguse ardhi na kuoza
Uchavushaji.
Hii ni muhimu sana kuzingatiwa kwani tango huchavushwa kwa wadudu na si upepo
.Bila wadudu kama nyuki uzalishaji huathrika sana.

Ni muhimu kupanda mazao kama alizeti na maua mbali mbali yanayopendwa na wadudu wachavushaji ili kuhakikisha uwepo wa wadudu hao shambani.

Aidha inapo-lazimu ni vema kuweka mizinga kadhaa ya nyuki katika shamba la tango
Matumizi ya viuatilifu Katika udhibiti wa wadudu na magonjwa matumizi ya viuatilifu yafanyike kwa maelekezo ya wataalam.

kubaini tatizo na kiuatilifu hitajika na namna ya matumizi yake
Mavuno Mavuno huanza baada ya siku 40 hadi 45 kutegemea na aina pamoja na hali ya hewa...

Serikali Imejipanga Kuhakikisha Sekta ya Kilimo Inatoa Mchango Zaidi katika kufikia nchi ya Uchumi wa Viwanda

 
Na. Immaculate Makilika- MAELEZO

SERIKALI kupitia Wizara ya Kilimo, Mifugo na Uvuvi imesema kuwa imeandaa mikakati mbalimbali  ili kuhakikisha Sekta ya Kilimo  inatoa mchango zaidi katika kufikia nchi ya uchumi wa kati.

Akizungumza Jijini Dar es Salaam jana katika kipindi cha TUNATEKELEZA kinachoandaliwa kwa ushirikiano wa Idara ya Habari – MAELEZO na kituo cha televisheni cha TBC, aliyekuwa Katibu Mkuu wa Wizara ya Kilimo ambaye sasa ni Katibu Mkuu  Wizara ya Ulinzi Dkt. Florence Turuka alisema kuwa Serikali imeandaa mikakati hiyo ili kuhakikisha kunakuwepo na uzalishaji wa mazao ya kilimo ili viwanda viweze kupata malighafi, chakula cha kutosha pamoja na ajira kwa wananchi.

“Serikali imeamua kuanzisha viwanda vidogo vya kuchakata mazao kwa ajili ya soko, kushirikisha sekta binafsi katika kuongeza thamani ya mazao, ili kuvutia wakekezaji katika sekta ya kilimo  nchini” alisema Dkt. Turuka.

Kwa mujibu wa Dkt. Turuka alisema ili kuhakikisha huduma za ugani zinakua za kisasa   Serikali inadhamiria kutumia simu za mkononi zitakazorahisisha utoaji wa  taarifa kwa wataalamu wa kilimo, ikiwa ni pamoja na kusaidia wakulima kupata huduma za kitaalamu kwa wakati.

Aidha Dkt. Turuka alisema mikakati mingine inayotekelezwa na  Serikali ni pamoja na kuongeza idadi ya  matrekta hadi kufikia 6,000 badala ya 400 yaliyokuwepo awali.

Aliongeza kuwa Serikali imekusudia pia kujenga maghala karibu na maeneo yanayozalisha mazao ya matunda na mbogamboga ili kuweza kuyahifadhi kwa muda kabla mazao hayo hayajapekelekwa sokoni ili kupunguza uharibifu.

Naye Katibu Mkuu wa sasa wa Wizara ya Kilimo, Mifugo na Uvuvi, Mhandisi Mathew Mtigumwe alisema Serikali itaboresha mfumo wa takwimu wa wataalamu wa kilimo pamoja na kuwajengea uwezo ili kusaidia utekelezaji wa maendeleo ya kilimo katika maeneo mbalimbali nchini.

Aidha, Serikali inawakaribisha wawekezaji wa kilimo cha miwa ambapo imeandaa zaidi ya hekta 6000 kwa ajili ya kilimo hicho nchini.

Jinsi ya kulima Mtama

  Na Kalonga Kasati

Mtama ni kundi la mbegu ndogo aina ya mazao ya nafaka au nafaka ambayo kwa jina la kisayansi unajulikana kama (Sorghum bicolor), ni mazao yanayolimwa sana duniani kote kwa ajili ya chakula na lishe Mtama hutoa mazao mengi hata kwenye hali ambayo haifai kwa kilimo cha aina nyingine za mazao ya nafaka. Mtama una uwezo mkubwa wa kustahimili ukame.

AGRA, serikali kukuza kilimo cha kibiashara.

Katibu Mkuu wa Wizara ya Kilimo, Chakula na Ushirika, Sophia Kaduma

   Wasaini mkataba mpya wa kuboresha ushirikiano

Serikali imesaini mkataba mpya na Taasisi ya Mapinduzi ya Kijani Afrika (Agra) unaoelenga kukifanya kilimo kuwa cha kibiashara, hivyo kuleta faida zaidi na kuinua hali za wakulima wadogo nchini.

Mkataba huo ulisaini jijini Dar es Salaam juzi na Katibu Mkuu wa Wizara ya Kilimo, Chakula na Ushirika, Sophia Kaduma na Rais wa AGRA, Dk Agnes Kalibata.

Makubalino yanayofikiwa katika mkataba huo yanaweka mazingira ya kushirikiana katika kazi kati ya Tanzania na AGRA na kuainisha namna jitihada hizo zitakavyotekelezwa.

Akizungumza kwenye hafla ya kusaini mkataba huo, Kaduma alisema makubalinao hayo yatachochea ongezeko kubwa la usalama wa chakula na kukifanya kilimo kuwa chenye faida zaidi kwa wakulima wadogo.

“AGRA imekuwa mshirika wa dhati kuisaidia Tanzania katika kuleta maendeleo ya kilimo. Makubaliano tuliyoyasaini kati yetu yataufanya ushirikiano wetu katika hatua mpya,” alisema. Kwa mujibu wa Kaduma, AGRA imekuwa ikitoa mchango muhimu kwa sekta ya kilimo nchini kwa nyakati tofauti.

Miongoni mwa misaada ya AGRA katika sekta hiyo ni ufadhili kwa mpango wa kilimo kwanza unaolenga kuongeza upatikanaji wa mazao tofauti, kuwajengea uwezo washirika tofauti wa maendeleo ya sekta ya kilimo wakiwamo kampuni za mbegu, mawakala wa kilimo.

Hivi karibuni, AGRA ambayo imewekeza kiasi cha takribani Dola milioni 48 za Marekani kwa miradi yake hapa nchini tangu mwaka 2007, walizindua teknolijia mpya ya kuhifadhi mazao ikianzia na mavuno ya msimu wa mwaka 2014. 

Serikali imekifanya kilimo kuwa miongoni mwa sekta za kipaumbele kutokana na umuhimu wake katika kukuza uchumi wa nchi, na kutoa rasilimali na kuanzisha ushirikiano mpya unaolenga kukifanya kilimo kuwa kuwa chenye faida na cha kibiashara. “Ushirikiano huu na AGRA umekuwa wenye faida kwa ongezeko la ukuaji wa uzalishaji mazao ya kilimo nchini. 

Tuna imani kwamba kupitia makubaliano mapya, tutakuwa na rasilimali na uwezo wa kufanya mambo makubwa zaidi: si kwa utoaji fedha tu bali utoaji wa mbinu mahususi za kilimo,” alisema Dk Kalibata .

Aliongeza, “Tanzania ina uwezo mkubwa wa kukuza kilimo chake kiasi cha kuwanufaisha mamilioni ya wakulima wadogo na kuboresha maisha yao na kuwapo usalama wa chakula.” Kupitia makubaliano mapya, AGRA na serikali wataainisha maeneo ya vipaumbele kwa rasilimali na ukuaji wa kilimo. AGRA na washirika wake watatoa misaada ya fedha na mbinu bora za kilimo.

Pia, mkataba mwingine ulisainiwa ukilenga utekelezaji wa mradi wa mageuzi madogo ya kilimo biashara barani Afrika (Mira). 

Miezi michache iliyopita, teknolojia mpya ya kuhifadhi mazao ilizinduliwa kwa ushirikiano wa AGRA na taasisi ya Rockefeller kwa wakulima wa Ruvuma, Mbeya na Njombe ambayo imechangia tofauti kubwa ya kuzuia upotevu wa mbegu zenye thamani ya mabilioni ya Shilingi kwa maelfu ya wakulima wadogo.

KANUNI ZA KILIMO BORA CHA MAHINDI.

ZIARA YA WAZIRI MTWARA

KILIMO CHA UMWAGILIAJI KUCHANGIA ASILIMIA 25 YA CHAKULA

galley