Kenya mzunguko wa 15 unatarajia kufungwa Leo

Na.Alex Mathias.

Pazia la Ligi Kuu nchini Kenya mzunguko wa 15 unatarajia kufungwa Leo majira ya saa kumi na moja jioni kwa upande wa Afrika Mashariki timu nane kushuka uwanjani huku bingwa tayari ameshajulikana ni Tusker FC .

Mchezo ambao unaonekana kuwa na watazamaji wengi ni mchezo wa Gor Mahia ambao msimu uliopita walikuwa mabingwa watakuwa nyumbani kucheza na bingwa anayeenda kutawazwa timu ya Tusker ambao wataiwakilisha Kenya katika michuano ya klabu bingwa Afrika CAF.

Gor Mahia wanashika nafasi ya pili wakiwa na pointi 54 na wanahitaji kushinda ili kuwatimulia raha mashabaki wa Tusker ambao wanaenda kutangazwa kuwa bingwa wakati Tusker wao wana pointi 58 hivyo wanaingia uwanja kwa ajili ya kulinda heshima ya kukataa kufungwa na watataka kushinda ili wachukue ubingwa wao kwa ufalme huku wakiwa wamemfunga aliyekuwa bingwa msimu uliopita.

Ligi Kuu ya Kenya inajumuisha jumla ya timu 16 ambazo hushiriki huku mbili huwa zinashuka daraja na tayari Sofapaka na Nairobi City wameshashuka msimu ujao hawataonekana tena na watacheza Ligi daraja la kwanza ambalo ni kungumu kurudi Ligi Kuu kutokana na ushindani uliopo huku chini.

Vita nyingine ipo katika kuwania kiatu cha dhahabu cha ufungaji magoli msimu huu kwani kuna watu wawili wanakimbiza kati ya John Makwatta anayechezea Ulinzi Stars akiwa na magoli 16 na mwingine anayeonekana kuwania ni Kelvin Aswani anayecheza Leopards akiwa na magoli 14 hivyo anatakiwa afunge magoli matatu na kumuombea mabaya Makwatta asifunge ila bahati ya ufungaji inaonekana kuwa itachukuliwa na mshambuliaji wa Ulinzi Stars.