Watumishi watano wasimamishwa kazi

Mkuu wa mkoa wa Lindi, Godfrey Zambi amewasimamisha kazi watumishi watano akiwemo aliekuwa Mkurugenzi mtendaji wa Halmashauri ya wilaya ya Liwale, Gaudence Nyamihura na Aliekuwa mganga mkuu wa wilaya hiyo Daktari Martin Mwandike ambae kwa sasa amehamishiwa Wilayani Rufiji Ili kupisha uchunguzi wa upotevu wa vifaa tiba vya upasuaji katika kituo cha afya cha Kibutuka vilivyopotea mwaka 2013.

Akiwa katika siku yake ya pili ya ziara yake wilayani Liwale, Mkuu wa mkoa wa Lindi Godfrey Zambi pamoja na kukagua shughuli za maendeleo wilayani humo alipata fursa ya kuhutubia mikutano mbalimbali ya hadhara ambapo katika mkutano uliofanyika kata ya kibutuka alipokea kero ya upotevu wa vifaa hivyo.

Kufuatia Taarifa hiyo iliyowasilishwa kwake katika taarifa ya kata hiyo pamoja na wananchi,Zambi alitoa Agizo la kusimamishwa kazi kwa waliohusika na ambao walishindwa kuwajibika kwa nafasi zao Utumishi.

Kwa upande wake Mganga mfawidhi wa kituo cha Afya kibutuka, Dkt Odoroth Ndimbo ambae alipewa fursa kuelezea upotevu huo katika mkutano wa hadhara uliofanyika katika viwanja vya ofisi ya kata hiyo alikuwa na haya kusema.

Watumishi waliotangazwa kusimamishwa kazi ni pamoja na Aliekuwa mkurugenzi wa halmashauri hiyo, Gaudence Nyamihura ambae kwa sasa yupo ofisi ya katibu tawala mkoa wa Lindi, Aliekuwa mganga mkuu wa wilaya, Dkt Martin Mwandike ambae kwa sasa amehamishiwa wilaya ya Kibiti.

Wengine ni Aliekuwa Afisa Utumishi wakati tukio lilipotokea mwaka 2013 ambae sasa amehamishiwa wilaya ya Newala, Bw Mfaume Kassim pamoja na Mfamansia msaidizi wa wilaya, Mohamed Nyagali.