Muhimbili Yapewa Msaada wa Thamani Sh10 Milioni kutoka NMB

Meneja wa NMB tawi la Hospitali ya Taifa Muhimbili (MNH), Lukas Malua akikabidhi msaada wenye thamani ya Sh 10 milioni kwa Kaimu Mkurugezi wa Uuguzi wa hospitali hiyo, Zuhura Mawona. Msaada uliokabidhiwa leo ni magodoro 35, mashuka 100 na vitanda vitatu.

Kaimu Mkurugenzi wa Uuguzi katika Hospitali ya Taifa Muhimbili (MNH), Zuhura Mawona ameishukuru Benki ya NMB kwa kuipatia hospitali hiyo msaada wa wenye thamani ya Sh 10 milioni.

Benki hiyo imetoa magodoro 35, vitanda vitatu na mashuka 100 ikiwa ni utaratibu wa kurejesha faida kwa wateja wa benki hiyo.

“Msaada huu utatumika kwa ajili ya kuwanufaisha Watanzania wengi, hivyo tunaomba muendelee kuisaidia Muhimbili kwani inahitaji msaada zaidi,” amesema Zuhura.

Naye Meneja wa NMB tawi la Muhimbili, Lukas Malua amesema benki hiyo imetenga Sh 1 bilioni ikiwa ni sehemu ya faida yake ili kurejesha faida hiyo kwa jamii.