Kocha wa Brazil ajitapa kushinda kombe la Dunia

Kocha wa timu ya taifa ya Brazil Adenor Leonardo Bacchi maarufu ‘Tite’ amejinadi kuwa timu yake ina nafasi kubwa ya kutwaa ubingwa wa Kombe la Dunia kwenye fainali zitakazopigwa Urusi mwakani.
Akiongea na Wanahabari alfajiri ya leo baada ya kuibuka na ushindi wa mabao 3-0 kwenye mchezo wa kuwania kufuzu kombe la dunia nyumbani dhidi ya Chile, Tite amesema timu yake ni nzuri na ina nafasi kubwa ya kuwa bingwa wa michuano ya mwakani.
“Brazil ina nafasi ya kushinda ubingwa” amesema Tite wakati akaijibu swali la mwandishi aliyetaka kujua ni mataifa gani ambayo kocha huyo anaona yana uwezo wa kuwa bingwa.
Aidha kocha huyo ambaye amefanya vizuri baada ya kuiongoza Brazil kuwa timu ya kwanza kufuzu fainali hizo ameongeza kuwa baada ya taifa lake kuna mataifa mengine kama Ufaransa, Mabingwa watetezi Ujerumani na Argentina.

Pamoja na kuwa Brazil imefuzu mapema lakini imetoa kichapo cha 3-0 dhidi ya Chile alfajiri ya leo. Mabao ya Brazil yakifungwa na Gabriel Jesus (2) pamoja na Paulinho.