Kampuni ya Haval Great Wall Motor yatoa msaada wa Magari kwa Polisi

Mkuu wa Jeshi la Polisi Tanzania, IGP Simon Sirro, leo amepokea magari ya kisasa kwa ajili ya jeshi la polisi, yaliyotolewa kama msaada kutoka kwa Kampuni ya Haval Great Wall Motors kutoka nchini China.
Akizungumza na waandishi wa habari katika Bwalo la Polisi Oysterbay (Police Mess) ilikofanyikia hafla hiyo, IGP Sirro ameishukuru sana kampuni hiyo kwa msaada iliyoutoa, huku akieleza kwamba upatikanaji wa vifaa vya kisasa, yakiwemo magari ni changamoto kubwa inayolikabili jeshi la polisi nchini katika kukabiliana na uhalifu.