Clouds FM yasherehekea miaka 17 tangu kuanzishwa kwake

Hakuna ubishi kwamba Clouds FM ndiyo redio yenye ushawishi zaidi Tanzania, ikiwa na msululu mrefu wa tuzo ya Superbrand.
Leo, December 2, kituo hicho cha redio kimetimiza miaka 17 tangu kianzishwe.
Pamoja na vipindi vyake vya burudani, kupitia tamasha lake la kila mwaka la Fiesta, Clouds inasifika kwa kuwapa jukwaa muhimu wasanii mbalimbali nchini ambalo pia hulitumia kama sehemu ya kujipatia ujira.
Mwaka huu kituo hicho kinasherehekea siku yake ya kuzaliwa kikiwa kimefanikiwa kumaliza bifu ya miaka mingi na mmoja wa wanamuziki nguli nchini, Lady Jaydee. Baada ya kutolewa hukumu ya kesi yao mahakamani, pande hizo mbili zimekubaliana kuzika bifu lao na kuanza maisha mapya.
Kituo hicho sasa kimepewa ruhusa na Lady Jaydee kuanza kuzicheza nyimbo zake tena.

Tunaipongeza Clouds FM kwa kufikisha miaka 17 katika kazi ya utangazaji na bila shaka itajitahidi kutoa nafasi sawa kwa wanamuziki wote na kuepusha malalamiko kutoka kwa baadhi yao.