Sudani Kusini yawa mwanachama kamili EAC

Rais wa Sudan Kusini, Salva Kiir 

  Nchi ya Sudani Kusini imekua mwanachama kamili wa Jumuiya ya Afrika Mashariki (EAC) baada ya kuwasilisha hati rasmi kwenye makao makuu ya jumuiya hiyo jijini Arusha leo.
Ujumbe wa nchi hiyo uliongozwa na Mshauri Mkuu wa Uchumi wa Rais wa Sudani Kusini, Aggrey Tisa Sabuni ambaye alimkabidhi mwenyekiti wa Baraza la Mawaziri wa EAC Balozi Augustine Mahiga ambaye ni Waziri wa Mambo ya Nje na Ushirikiano wa Afrika Mashariki, Kikanda na Kimataifa .

Waziri Mahiga alisema kuwa Sudani Kusini imekua mwanachama kamili sawa na wanachama wengine watano na Septemba 8 mwaka huu, Rais wa nchi, Salva Kiir  hiyo atahudhuria mkutano wa dharula wa wakuu wa EAC utaongozwa na mwenyekiti wake Rais John Magufuli jijini Dar es Salaam.