Okwi arejea Timu yake ya Zamani

Mshambuliaji wa kimataifa wa Uganda Emmanuel Okwi baada ya kuvunja mkataba na klabu ya SønderjyskE ya nchini Denmark, amejiunga na klabu ya SC Villa ya Uganda.

Okwi amejiunga na klabu yake ya zamani kwa mkataba wa muda mfupi utakao muweka hadi mwishoni mwa msimu huu 2016/2017.
Nyota huyo wa zamani wa Simba aliachana na SC Villa mwaka 2010 na kujiunga na Wekundu wa Msimbazi’ baada ya kuisaidia Jogoos kutwaa taji la Uganda mwaka 2009.

Mshambuliaji huyo mahiri wa Uganda amesema atahakikisha anaisaidia Villa iliyomkuza kufanya kweli.
“Dili tayari limekamilika,” Ivan Kakembo CEO wa SC Villa aliuambia mtandao wa Kawowo Sports wa Uganda.