Hillary Clinton akaribia kuteuliwa na chama chake

Hillary Clinton amesogea  na kupungukiwa  na  kura 20 tu kuweza  kupata  uteuzi wa  chama  chake cha  Democratic, baada ya  ushindi  katika  eneo  la  Marekani  katika  visiwa vya  Karibia la  Puerto Rico


Ushindi  huo  pamoja  na  ushindi  wa  Jumamosi  katika visiwa  vya  Marekani  vya  Virgin unamfanya  Clinton kubakia  na  upungufu wa  wajumbe  maalum 20  kati  ya wajumbe  2,383 anaohitaji  kupata kuteuliwa  na  ushindi huo  unampa msukumo kuelekea  katika  jimbo  la  mwisho kesho.

Wakati  karibu  asilimia 70 ya kura  zimekwisha  hesabiwa, Clinton alikuwa  anaongoza  kwa  asilimia  59.38 ya  kura, akimtangulia Bernie sanders ambaye  amepata  asilimia 37.53.
Puerto Rico ina wajumbe maalum 67, wengi  wao watagawanywa kati  ya  wagombea  kwa  misingi  ya matokeo ya uchaguzi  huo  wa  jana.